Yay Olimpiya Festivalı yüksək səviyyədə keçdi - Nazir
12:30 27 İyul 2019
Qonaqların və idmançıların rəylərinə əsaslanaraq deyə bilərəm ki, XV Avropa Gənclər Yay Olimpiya Festivalını yüksək səviyyədə keçirdik.
Femida.az-n məlumatına görə, bunu Gənclər və İdman naziri Azad Rəhimov festivalın yekunlarına həsr olunmuş mətbuat konfransında deyib.
A.Rəhimov bildirib ki, bütün qonaqlar Azərbaycandan xoş təəssüratlarla ayrılır:
"İdmançılarımız festivalı 48 ölkə arasında ikinci pillədə başa vurmağa yaxındır. Bu festival idmançılarımızı gələcəkdə daha böyük naliyyətlər əldə etməyə ruhlandıracaq".
Nazirin sözlərinə görə, Azərbaycan idmançıları yarışlarda uğurla iştirak etdilər: "İdmançılarımızın qazandığı medalların sayı və keyfiyyəti bizi qanə edir”.
A.Rəhimov əlavə edib ki, festivalın bağlanış mərasimi üçün biletlər tamamilə satılıb.
Nazir oyunlara tamaşaçı marağının gözlənildiyindən də çox olduğunu, həndbol, atletika, üzgüçülük yarışlarına gündəlik sessiyalarda nəzərdə tutulan bütün biletlərin satıldığını, güləş, cüdo və gimnastika yarışlarında isə hətta nəzərdə tutulandan əlavə yerlər açmalı olduqlarını deyib.
Femida.az
Oxunub: 403
Oxşar xəbərlər
- Yaylaqda köməksiz qalan şəxs xilas edildi
- Yayılmış məlumatlar Ombudsman tərəfindən nəzarətə götürülüb
- Yayılan məlumatlar həqiqəti əks etdirmir - DİN
- Yay başlayandan Bakıda 27 nəfəri gün vurub
- Yay gəldi, suda boğulmalar başladı — Bir nəfərin meyiti tapılmır
- Yay gəldi - Bakıda kirayə mənzillər ucuzlaşdı
- Yay Azərbaycana nə vaxt gələcək?
- Yay imtahanlarında iştirak edəcək abituriyentlərin SAYI