Qubada Regional Mətbəx Festivalı keçirilir
13:31 27 İyul 2019
Bu gün Quba şəhərində Regional Mətbəx Festivalına start verilib.
Mədəniyyət Nazirliyi, Dövlət Turizm Agentliyi və Quba rayon İcra Hakimiyyətinin dəstəyi ilə Nizami parkında təşkil olunan festival iki gün davam edəcək.
Xaçmaz Regionla Mədəniyyət İdarəsi, Quba Destinasiya Menecmenti Təşkilatı və Kiçik və Orta Biznesin İnkişafı Agaentliyinin tərəfdaşlığı ilə həyata keçirilən tədbirdə yerli və regional icma nümayəndələrinin, region istehsaçılarının və turizm sahəsi peşəkarlarının məhsulları nümayiş olunur. Həmin məhsullar “Mətbəx nümunələri”, “Dadma və məhsul ərazisi” və “Yerli kənd təsərrüfatı məhsullarının satışı” adlı zonalarda satış məqsədilə təqdim olunur.
Bundan əlavə, qastronomik, mədəni, tarixi və əyləncəli proqramların keçiriləcəyi “əsas səhnə” zonası, həmçinin qida, iaşə və məhsul istehsalı sahəsində çalışan mütəxəssislər üçün təlim məqsədli “Master-klasslar” ərazisi xidmət göstərir. Uşaqlar üçün isə əyləncə parkı qurulub.
İki gün ərzində milli musiqi nümunələri, rəqslər, tanınmış müğənnilərin ifaları, müxtəlif tamaşalar, uşaqlar üçün proqramlar qonaqların xidmətində olacaq.
Femida.az
Oxunub: 701
Oxşar xəbərlər
- Qubada narkotik bitkilərin kultivasiyası ilə məşğul olan şəxs saxlanılıb
- Qubadakı yanğına görə bir nəfər məsuliyyətə cəlb edilib
- Qubada içərisində 125 min manat və 10 min dollar pul olan seyf oğurlanıb
- Qubada avtomobil yolu keçən qadın piyadanı vuraraq öldürüb
- Qubada 35 yaşlı kişi qətlə yetirilib
- Qubada qadın baltalanıb, qızı anasını ölümdən xilas edib
- Qubada kişi keçmiş arvadını qətlə yetirib, sonra intihar edib
- Qubada daha 5 vəzifəli şəxsə cinayət işi başlanılıb
- Qubada avtoxuliqanlıq edən şəxs saxlanılıb
- Qubada yarım kiloqramdan çox narkotik maddə qanunsuz dövriyyədən çıxarılıb