Prezidentin ölüm xəbərini yayan 3 nəfər saxlanıldı - Türkmənistanda
13:34 29 İyul 2019
Türkmənistan prezidenti Qurbanqulu Berdiməhəmmədovun ölümü ilə bağlı xəbər yaymaqda şübhəli bilinən azı 3 nəfər tutulub.
Femida.az “Xronika Turkmenistana” istinadən xəbər verir ki, saxlanılanların hamısı Türkmənistan vətəndaşlarıdır.
Lakin onların adları açıqlanmayıb.
Türkmənistan polisi və təhlükəsizlik qurumları paytaxt Aşqabadda və bölgələrdə dövlət başçısı Q.Berdiməhəmmədovun səhhətinin ağır olması və ya ölümü haqqında yalan məlumatların yayılmasına qarşı mübarizə məqsədi ilə gücləndirilmiş iş rejiminə keçib.
Qeyd edək ki, Q.Berdiməhəmmədovun ölümü ilə bağlı informasiya iyulun 20-də “You Tube”də yayılıb. İyulun 25-dək prezident ictimaiyyət arasında görünməyib.
İyulun 25-də o, televiziyaya çıxıb. Prezidentin ölüm xəbərini hazırda İsveçdə yaşayan türkmən yazıçısı Akməhəmməd Velsaparov yayıb. Avrasiya Problemləri Monitorinq Mərkəzinin direktoru Aslan Rubayev də bu barədə məlumat yaysa da bir gün sonra yanlışlığa görə üzr istəyib.
Femida.az
Oxunub: 450
Oxşar xəbərlər
- Prezident İlham Əliyevin Türkmənistana səfəri başa çatıb
- Ankarada Türkiyə-Azərbaycan-Türkmənistan arasında üçtərəfli görüş keçiriləcək
- “Taliban” silahlıları ilə Türkmənistan sərhədçiləri arasında atışma olub
- Türkmənistan Prezidenti: "Biz qardaş ölkələrik, qonşularıq"
- Prezident Türkmənistana səfər edib - FOTOLAR
- Türkiyə ilə Türkmənistan ticarət dövriyyəsini 5 milyard dollar çatdırmaq niyyətindədir
- Türkmənistan Türk Dövlətləri Təşkilatına müşahidəçi statusunda üzv qəbul olunub
- İlham Əliyev Türkmənistan Prezidentini təbrik edib
- Azərbaycan, Türkmənistan və Türkiyə prezidentlərinin görüşünə hazırlıq gedir
- Azərbaycan və Türkmənistan XİN başçıları arasında telefon danışığı olub