İtkin düşən pilotun axtarışlarının əhatə dairəsi genişləndirilib
15:38 30 İyul 2019
Xəzər dənizində itkin düşən pilotun axtarışlarının əhatə dairəsi genişləndirilib. Hazırda axtarış işləri daha çox şimala yönləndirilib. Həmçinin, axtarışlara yeni vasitələr cəlb olunub.
Bu barədə Femida.az-a açıqlamasında MiQ-29 təyyarəsi ilə qəzaya uğrayaraq Xəzər dənizinə düşən pilot Rəşad Atakişiyevin qaynatası, tanınmış politoloq Qabil Hüseynli deyib.
Politoloq bildirib ki, axtarışlar yüksək səviyyədə təşkil olunub: “Yeni vasitələr cəlb olunmaqla daha sürətli axtarışlar aparılır”.
Q.Hüseynli qeyd edib ki, Müdafiə Nazirliyinin rəhbərliyi tərəfindən pilotun ailəsi daim diqqətdə saxlanılır.
Xatırladaq ki, iyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev itkin düşüb.
Femida.az
Oxunub: 529
Oxşar xəbərlər
- İtkin düşdüyü bildirilən şəxsin polis tərəfindən saxlanıldığı məlum olub
- İtkin hərbçinin nəşinin tapılması faktı ilə bağlı dəqiqləşdirmələr aparılır
- İtkin düşən hərbçimizin tapılması ilə bağlı rəsmi məlumat
- İtkin düşmüş Ağdam sakininin minaya düşdüyü məlum olub
- İtkin düşən 23 yaşlı qız Bakıda tapıldı
- İtkin düşən daha iki hərbçimizin nəşi tapıldı
- İtkin düşən daha bir əsgərin nəşi tapıldı - FOTO
- İtkin düşən hərbi qulluqçuların basdırıldığı yerlər müəyyən edilir
- İtkin düşən daha bir hərbi qulluqçumuzun nəşi tapılıb
- İtkin düşən gənc qız tapılıb