İndiyədək sahibkarlara 2,3 mlrd manat güzəştli kredit verilib -Azərbaycanda
11:34 31 İyul 2019
"Azərbaycanda özəl sektorda sürətli inkişafa nail olunub. Ölkədə sahibkarlığın inkişafı üçün münbit şərait yaradılır".
Bunu bu gün Bakıda “İnnovativ sahibkarlığın inkişafında dövlətin güzəştli maliyyə dəstəyi” mövzusunda keçirilən konfransda İqtisadiyyat nazirinin müavini Sahib Məmmədov bildirib.
Onun sözlərinə görə, indiyədək Sahibkarlığın İnkişafı Fondu tərəfindən layihələrin ümumi dəyəri 5,2 mlrd manatdan çox olan 36 mindən çox sahibkara 2,3 mlrd manat güzəştli kredit verilib.
Nazir müavini bildirib ki, bu kreditlər hesabına 166 mindən çox yeni iş yerinin açılması imkanı yaranıb: “Kreditlərin 1 milyard manatı büdcə, 1,3 milyard manatı isə geri qaytarılan vəsaitlər hesabına verilib. Bu kreditlərin 74%-i regionlarda, 26%-i Bakı şəhərinin qəsəbələrində fəaliyyət göstərən sahibkarlara verilib”.
S. Məmmədov qeyd edib ki, verilən kreditlərin 68%-i aqrar sektorun, 32%-i isə müxtəlif sənaye və digər sahələrin inkişafına yönəldilib: “52 mindən çox sahibkarlığın iştirakı ilə sahibkarların maarifləndirilməsi və maliyyə resurslarına çıxış imkanlarının artırılmasına dair 396 işgüzar forum keçirilib”.
Qeyd edək ki, “İnnovativ sahibkarlığın inkişafında dövlətin güzəştli maliyyə dəstəyi” konfransı İqtisadiyyat Nazirliyinin təşkilatçılığı ilə keçirilib. Tədbirdə dövlət qurumlarının, Sahibkarlığın İnkişafı Fondu ilə əməkdaşlıq edən müvəkkil kredit təşkilatlarının, ali təhsil müəssisələrinin nümayəndələri, sahibkarlar və startapçılar iştirak ediblər. / Report
Femida.az
Oxunub: 403
Oxşar xəbərlər
- Kredit borcları silindi
- Əhaliyə sevindirəcək XƏBƏR - Kredit faizləri azaldıla bilər - VİDEO
- Azərbaycanda tibb işçilərinə güzəştli ipoteka krediti veriləcək
- Rusiya Litvanın 4, Latviya və Estoniyanın 6 diplomatının akreditasiyasını ləğv edib
- Təhsil krediti üçün müraciət edən tələbələrin sayı açıqlanıb
- Yaşı 18-dən az olan tələbələrin kredit alması üçün müraciət forması sadələşdiriləcək
- Kredit ikinci ali təhsil alanlara da veriləcək
- Təhsil kreditinin verilməsinə başlanılır - Rəsmi
- Birinci Qarabağ müharibəsi şəhidlərinin ailə üzvlərinin kredit borclarının silinməsi təklif edilib
- Azərbaycanda peşə məktəblərində tədris kredit sistemi ilə təşkil ediləcək