UNESKO-nun baş direktoru Azərbaycana təşəkkür edib
12:12 31 İyul 2019
UNESKO-nun baş direktoru Odre Azule Azərbaycan hökumətinə Ümumdünya İrs Komitəsinin 43-cü sessiyasının keçirilməsi ilə bağlı təşəkkür məktubu göndərib.
Mədəniyyət Nazirliyindən Femida.az-a verilən məlumata görə, məktubda Azərbaycanın UNESKO-nun bu nüfuzlu tədbirinə yüksək səviyyədə ev sahiblik etdiyi bildirilib və Ümumdünya İrs Komitəsinin 43-cü sessiyasına hazırlıq prosesi, sessiyanın təşkili, iclasların effektiv idarə edilməsinə görə minnətdarlıq ifadə olunub.
Baş direktor Bakıya səfəri zamanı Qobustan qoruğunu ziyarət etməkdən zövq aldığını da xüsusi qeyd edib: “Mən şəxsən Qobustanın timsalında Azərbaycanın zəngin mədəni irsini kəşf etməkdən, Azərbaycan Hökumətinin və Mədəniyyət Nazirliyinin bu məkanın qorunub saxlanılmasında, təbliğində nümayiş etdirdiyi səylərə şahidlik etməkdən xüsusilə məmnun oldum”.
Məktubda həmçinin Azərbaycan Respublikasının Mədəniyyət naziri 19 noyabr 2019-cu il tarixində UNESKO tərəfindən təşkil olunacaq Ümumi Konfransın 40-cı sessiyası öncəsi Mədəniyyət Nazirləri Forumunda iştiraka dəvət olunub.
Baş direktorun məktubu bu fikirlərlə bitir: “Mən Bakını UNESKO və Azərbaycan arasında dinamik inkişaf edən münasibətlər fonunda tərk etdim və bu, məni çox məmnun etdi. Bir daha əmin oldum ki, Sizin dəstəyinizə daim etimad edə bilərəm”.
Femida.az
Oxunub: 283
Oxşar xəbərlər
- Azərbaycan YUNESKO-nun İcraiyyə Şurasına üzv seçilib
- Ceyhun Bayramov YUNESKO-nun Baş direktoru ilə görüşüb
- Azərbaycan XİN: İşğaldan azad olunmuş ərazilərə missiya göndərilməsi üçün YUNESKO ilə konstruktiv dialoq aparılır
- Balabanın UNESKO siyahısına daxil olunması üçün müraciət edildi
- Ermənilər UNESKO-nun iclasında təxribata əl atdı
- Azərbaycanın UNESKO üzrə Milli Komissiyasının 25 illiyi qeyd edilib
- Azərbaycan UNESKO-nun Baş Assambleyasına hesabat təqdim edəcək
- UNESKO-nun Dünya İrsi mülkiyyətlərin sayı 1100-ə çatıb
- Nazir: UNESKO ciddi addımların atılmasına hazır olduğunu bildirib
- Məmmədyarov UNESKO-nun Baş direktoru ilə görüşüb