Bakıda belə dələduzluq hələ görülməyib - "Gəlib gördüm ki, şadlıq sarayında hüzr mərasimidir"
11:46 06 Avqust 2019
Bakı şəhəri, Nəsimi rayonu, 9-cu mikrorayon, Mir Cəlal 11 ünvanında yerləşən "Leyla" şadlıq sarayının administratoru toy sahiblərinə qarşı dələduzluq edib.
Femida.az xəbər u barədə "Report"a şadlıq sarayında toy etmək istəyən şəxslər məlumat veriblər.
Bildirilib ki, şadlıq sarayının Akif adlı administratoru bu ilin iyun, iyul və avqust ayının əksər günləri üçün orada toy etmək istəyən 100-ə yaxın şəxsdən beh alaraq toy günü təyin edib. Daha sonra aldığı behləri götürərək qaçıb.
Şadlıq sarayı isə iyul ayının ortalarında bağlanıb və 10 gün ərzində sarayda müəyyən dəyişikliklər edilərək mərasim evi kimi fəaliyyətə başlayıb.
"Leyla" şadlıq sarayında avqustun 4-nə toy təyin edən şəxsin sözlərinə görə, toya 10 gün qalmış saraya yaxınlaşıb və sifariş verdiyi dəvətnamələri götürüb. Lakin əlavə dəvətnaməyə ehtiyac olduğundan bir gün sonra yenidən şadlıq sarayına gələn toy sahibi gördüyü mənzərədən şoka düşüb və huşunu itirərək yerə yıxılıb: "Gəlib gördüm ki, şadlıq sarayında hüzr mərasimidir, molla oturub "Yasin" oxuyur. Soruşdum ki, bu nə məsələdir? Dedilər ki, bura 1 həftədir mərasim evi kimi fəaliyyətə başlayıb. Maraqlandım ki, məndən və mənim kimi 100-ə yaxın şəxsdən beh alan sarayın Akif adlı administratoru pulları götürərək aradan çıxıb".
Zərərçəkən əlavə edib ki, sarayın önündə "şadlıq sarayı" sözü sökülüb, yerinə "mərasim evi" yazılıb: "Sarayın içərisi mərasim evinə uyğun şəkildə hazırlanıb və təmir işləri aparılırdı. Orada çalışan ustalar bildirdilər ki, hər gün 10-a yaxın toy sahibi saraya gəlir. Sarayın sahibinin baş verən hadisələrdən administratorun yoxa çıxdığından sonra məlumatı olub. O, iki ay əvvəl administratora toy üçün sifarişlərin götürülməsini dayandırmağı və kimdən beh alıbsa qaytarmağı tələb edib. Administrator isə qaçıb".
Zərərçəkənlərin hüquq-mühafizə orqanlarına müraciət edib-etmədiyi məlum deyil.
Femida.az
Oxunub: 1274
Oxşar xəbərlər
- Bakıda ağır yol qəzası oldu
- Bakıda mənzildən meyit tapılıb
- Bakıda polis əməliyyat keçirdi, saxlanılanlar var
- Bakıda sürücünü hədələyən şəxs saxlanılıb
- Bakıda iki avtomobil toqquşub, xəsarət alan var
- Bakıda 35 isti olacaq
- Bakıda it azyaşlının üzünü parçalayıb
- Bakıda azyaşlı qızlara təcavüz edən şəxs saxlanıldı
- Bakıda neçə avtobusda kondisioner var? - BNA-dan cavab
- Bakıda dəhşətli olay - Falçı 46 tələbə qızı zorladı (VİDEO)