Azərbaycanda neft hasilatı artıb


09:29     07 Avqust 2019 610x380xneft9.jpg.pagespeed.ic.e2igURx_3N.jpg

2018-ci ildə Azərbaycanda xam və qeyri-ənənəvi neft və təbii qazın hasilatı 2017-ci ildəki gündəlik 783 min barelə nisbətən 793 min barel təşkil edib.

Femida.az-ın Trend-ə istinadən məlumatına görə, hesabatda 2018-ci ildə Azərbaycanda neft istehlakı 2017-ci ildəki 96 min barellə müqayisədə gündəlik 97 min barel təşkil etdiyi deyilir. Ölkədə adambaşına neft istehlakı 2017-ci ilə nisbətən dəyişmədən 2018-ci ildə 3,57 barel olub.

Şirkətin məlumatına görə, 2018-ci ildə Azərbaycana xam və qeyri-ənənəvi neft idxalının həcmi gündə 1000 barel təşkil edib.

Hesabata görə, 2018-ci ildə Azərbaycanda neft ehtiyatları 7 milyard barel təşkil edib ki, bu da 2017-ci illə müqayisədə dəyişməyib.

Qeyd edək ki, Azərbaycan Energetika Nazirliyinin məlumatına görə, iyun ayında ölkədə neft hasilatı sutkada 768 min barel təşkil edib.

May ayında gündəlik neft hasilatı da 768 min barel olub. Bunlardan 695 min barrel xam neftin, 73 min bareli isə kondensatın payına düşüb.

Nazirlikdən verilən məlumata görə, iyun ayında Azərbaycandan gündəlik xam neft ixracının həcmi 471 min barel, kondensat 72 min barel, neft məhsulları 19 200 barel təşkil edib.

OPEC və üzv olmayan bir sıra ölkələr (OPEC + formatı) 2018-ci ilin sonunda 2017-ci ilin əvvəlindən qüvvədə olan neft hasilatının azaldılması ilə bağlı sazişin şərtlərini modernləşdirmək qərarına gəldilər. Tərəflər ümumi hasilatı 2018-ci ilin oktyabr ayının səviyyəsindən gündəlik 1,2 milyon barel azaltmaq barədə razılaşdılar.

Qeyd edək ki, iyulun 2-də Vyanada OPEC üzvləri və kartelə üzv olmayan ölkələr tərəfindən neft hasilatının azaldılmasına dair razılaşmanın 2020-ci ilin birinci rübünün sonuna qədər uzadılması qərara alınlıb.

Femida.az

Açar sözlər:

Oxunub: 286