50 Qarabağ müharibəsi əlilinə avtomobil verilib
11:35 09 Avqust 2019
Avqustun 9-da Əmək və Əhalinin Sosial Müdafiəsi Nazirliyi (ƏƏSMN) “Xəzər” markalı daha 50 avtomobili Qarabağ müharibəsi əlillərinə təqdim edib.
Femida.az -ın məlumatına görə, Əmək və Əhalinin Sosial Müdafiəsi nazirinin müavini Vüsal Nəsirli çıxış edərək ölkədə güclü sosial siyasətin həyata keçirildiyini bildirib.
Nazir müavini vurğulayıb ki, həssas qruplara da dövlət qayğısı artmaqda davam edir: "Cari ilin ötən dövründə Prezident İlham Əliyevin uğurlu sosial islahatlar paketi əməkhaqlarının, pensiya, müavinət və təqaüdlərin ciddi şəkildə artmasına səbəb olub. Bu islahatlar 4,2 milyon insanın rifahına ciddi dəstək olub".
REKLAM
www.azercell.com
Daha ətraflı
V.Nəsirli qeyd edib ki, 2019-cu ildə Əmək və Əhalinin Sosial Müdafiəsi Nazirliyi tərəfindən müharibə əlillərinə nəzərdə tutulduğundan 3,2 dəfə çox olmaqla 600-ə yaxın avtomobilin verilməsi nəzərdə tutulub: "Hazırda təqdim olunanlar da daxil olmaqla artıq 280 avtomobil verilib. Bununla da indiyədək müharibə əlillərinə 6424 minik avtomobili verilib. Həmçinin Qarabağ müharibəsi əlilləri və şəhid ailələrinə 2019-cu ildə azı 800 mənzil verilməsi planlaşdırılıb, bu ilin ötən dövründə onlardan artıq 110 mənzil təqdim edilib. Ümumilikdə bu vaxta qədər 6764 şəhid ailəsi və müharibə əlili nazirlik tərəfindən mənzillə təmin olunub".
Nazir müavini bildirib ki, hazrda min nəfərədək müharibə əlili və onlara bərabər tutulan şəxs avtomobil növbəsindədir, avtomobillərin verilməsi davam edəcək.
Tədbirdə nazirlik yanında fəaliyyət göstərən İctimai Şuranın sədri Umud Rəhimoğlu və başqaları sosial müdafiə sisteminin gücləndirilməsi üçün aparılan işlərdən, müharibə əlillərinin, şəhid ailələrinin rifah halının yaxşılaşdırılması istiqamətində icra olunan proqramlardan bəhs ediblər.
Sonra avtomobillər sahiblərinə təqdim edilib.
Oxunub: 388
Oxşar xəbərlər
- 50 nəfərdən çox qonağın iştirak etdiyi toylarda COVID-19 pasportu tələb olunacaq
- 50 dövlət əmlakı özəlləşdirilib
- 50 obyektdə epidemiya əleyhinə rejim pozulub
- 50 gün idi itkin düşən gənc şəhid kimi qayıtdı
- 500-dən çox bal toplayan 9 nəfər ali məktəbə qəbul olmadı
- 50 174 hərəkət iştirakçısı inzibati məsuliyyətə cəlb edilib
- 50 min şəxs üçün birdəfəlik ödəniş edildi
- 50-ə yaxın məhkəmədə monitorinqlər aparılıb
- 50 nəfər şübhəli saxlanıldı – Cinayətlərin günlük statistikası
- 50 yaşlı Rusiya vətəndaşı Tərtərdə hamamda boğulub öldü