Qurban bayramında şəhid ailələri ziyarət edilib
21:13 12 Avqust 2019
Qurban bayramı münasibətilə Səfərbərlik və Hərbi Xidmətə Çağırış üzrə Dövlət Xidməti tərəfindən Milli qəhrəmanların, veteranların, QHT rəhbərlərinin, KİV nümayəndələrinin iştirakı ilə respublikanın bütün şəhər və rayonlarını əhatə etməklə şəhid və Qarabağ müharibəsi veteranlarının ailələrinə bayram təbrikləri və sovqatlar çatdırılıb.
Qurumun mətbuat xidmətindən Femida.az -a verilən məlumata görə, Səfərbərlik və Hərbi Xidmətə Çağırış üzrə Dövlət Xidmətinin rəisi, general-leytenant Arzu Rəhimov, Azərbaycan Gənclər Fondunun icraçı direktoru Fərid Cəfərov Səbail rayonunda şəhid Vüqar Muradovun, Yasamal rayonunda isə şəhid Cavid Quliyevin ailəsinə baş çəkib, ailə üzvlərini bayram münasibətilə təbrik ediblər.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə həyata keçirilən sosial siyasəti, şəhid ailələrinə diqqət və qayğını fəaliyyətində prioritet götürən Səfərbərlik və Hərbi Xidmətə Çağırış üzrə Dövlət Xidməti olaraq müxtəlif layihələr həyata keçirir. Belə layihələr Azərbaycan Respublikasının ərazi bütövlüyü uğrunda şəhid olmuş vətən övladlarının ailələrinin qayğı ilə əhatə edilməsi, əlamətdar günlərdə bayram əhval-ruhiyyəsi yaşatmaq məqsədi daşıyır.
Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələri tərəfindən şəhid ailələrinin ziyarət olunması və onlara bayram sovqatlarının paylanılması davam etdirilir.
Oxunub: 489
Oxşar xəbərlər
- “Feniks”dən sosial çarx: Qurban
- Səhiyyə Nazirliyi Qurban bayramı ilə bağlı vətəndaşlara müraciət edib
- Azərbaycanda qurbanlıq qoyunlar bahalaşıb
- Hindistanda daşqın qurbanlarının sayı 151 nəfərə çatıb
- Dünyada koronavirus qurbanlarının sayı 6 milyon nəfəri ötüb
- Bakıda və Abşeronda Qurban bayramı yarmarkası keçiriləcək
- Cavid Qurbanov “Azərbaycan Dəmir Yolları” QSC-nin sədri vəzifəsindən azad edilib
- XİN: "Üçtərəfli bəyanatdan sonra 219 nəfər mina qurbanı olub"
- Azərbaycanda insan alveri qurbanlarının statistikası açıqlanıb
- İnsan alveri qurbanları ilə bağlı idarələrarası komissiyanın tərkibi genişləndirilib