Keçmiş məhkum 42 yaşlı kişini yumruqla qətlə yetirib
09:50 15 Avqust 2019
Zaqatalada keçmiş məhkum 42 yaşlı kişini bir yumruqla qətlə yetirib.
Femida.az-ın APA-ya istinadən məlumatına görə, hadisə avqustun 14-dən 15-ə keçən gecə rayonun Kəpənəkçi kənd inzibati ərazisində baş verib. Belə ki, rayonun Qandax kənd sakini, 1982-ci il təvəllüdlü Kərim Bəhram oğlu Kərimovla rayonun Kəpənəkçi kənd sakini Telman Hacı oğlu Hacıyev arasında şəxsi münasibətlər zəminində mübahisə baş verib. Mübahisə zamanı K. Kərimov T. Hacıyevin baş nahiyəsinə yumruq zərbəsi vurub. T. Hacıyev aldığı xəsarətdən hadisə yerində ölüb.
Hadisəni törətməkdə şübhəli sayılan K. Kərimov saxlanılıb. Məlumatda bildirilir ki, K. Kərimov əvvəllər Rusiya Fedarasiyasında cinayət törətdiyinə görə məhkum edilib.
Meyit müayinə edilmək üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya birliyinin Zaqatala rayon şöbəsinə verilib.
Faktla bağlı Zaqatala rayon Prokurorluğunda cinayət işi başlayıb.
Femida.az
Oxunub: 480
Oxşar xəbərlər
- Keçmiş məhkum Bakı sakininin bank hesabından 800 manat oğurlayıb
- Masallıda keçmiş məhkumun evindən 5 kq-a yaxın narkotik aşkarlanıb
- Keçmiş məhkum kənd məscidinin nəzir qutusunu qarət etdi
- Şamaxıda keçmiş məhkumun daşla öldürülməsi ilə bağlı cinayət işi açılıb
- Şamaxıda keçmiş məhkum daşla vurularaq öldürülüb
- Göygöldə evdən oğurluq edən keçmiş məhkumlar saxlanılıb
- Bakıda keçmiş məhkumdan silah-sursat götürülüb
- Keçmiş məhkumlardan kimlərə birdəfəlik müavinətin verildiyinə aydınlıq gətirilib
- Bakıda söyüş üstündə adam bıçaqlayan keçmiş məhkuma hökm oxunub
- Göyçayda keçmiş məhkumdan odlu silah götürülüb