86 yaşlı qadının qarnından 12 kq şiş çıxarıldı - VİDEO

86 yaşlı qadının qarnından 12 kq şiş çıxarıldı - VİDEO


13:24     16 Avqust 2019 19_08_16_1565947146.jpg

Türkiyənin Manisa şəhərində 86 yaşlı bir qadın sürətli kökəlmə və şişkinlik şikayətləri ilə xəstəxanaya müraciət edib.

Femida.az Türkiyə mətbuatına istinadən xəbər verir ki, müayinələrdən sonra məlum olub ki, qoca qarının daxilində kista var. Təcili əməliyyat masasına qaldırılan nənənin qarnından 12 kq yumurtalıq kistası çıxarılıb.

Yaşlı qadın həkimin diaqnozundan sonra təəccübünü gizlədə bilməyib. O bildirib ki, əvvəllər ağrı hiss etməyib.


"Ciddiyə almadım, çünki heç bir ağrı hiss eləmirdim. Amma zaman keçdikcə sürətlə böyüyürdü. Bu, son 5-6 ayda oldu. Kəndliyəm, həkimə getməkdən çəkindim. Əməliyyatdan sonra tam hərəkət edə bilmirəm, otura bilmirəm, amma düzələcək. Əməliyyatımda əməyi keçən bütün həkimlərə təşəkkür edirəm”.


Əməliyyatı icra edən həkimlərin sözlərinə görə, nəhəng şiş çıxarılması üçün əməliyyat barədə qərar verdikdə, yaxınları tərəddüd edib:

"Yaşına görə narahatlıq var idi. Ancaq bizim heç bir tərəddüd və ya narahatlığımız yox idi. Nənə qohumlarından əvvəl razılıq verdi. Nəhəng şişdən xilas olmaq istədiyini və bizə güvəndiyini dedi. Böyük idi şiş, xəstəmiz özü 77 kq. qarnındakı kütlə isə 12 kq. Kista alınmasaydı pasiyent yeriyə də bilməyəcəkdi. Nəhəng kütləyə görə nənə normal nəfəs ala, düzgün hərəkət edə bilmirdi. Əməliyyatdan sonrakı müalicə müddəti bitdikdən sonra sağ salamat evinə yola salacağıq. Ümumi vəziyyəti isə yaxşdır”.



Açar sözlər:

Oxunub: 806


Oxşar xəbərlər