Azərbaycan metanolunun növbəti partiyası Ukraynaya çatdırıldı
16:42 23 Avqust 2019
Avqustun 22-də Ukraynanın “Ukrqazdobıça” şirkəti üçün növbəti 3 min ton həcmində Azərbaycanda istehsal olunan metanol Qara dəniz yanacaq terminalına çatdırılıb.
Azərbaycan metanolu Türkiyə bayrağı altında üzən “Alahan” tankeri ilə nəql olunub.
Metanol tankerə avqustun 16-da Kulevi limanında (Gürcüstan, Qara dəniz) yüklənib.
Qeyd edək ki, metanol SOCAR-la “Ukrqazdobıça” arasında illik 15 min ton həcmdə metanolun tədarükü ilə bağlı müqavilə çərçivəsində nəql olunur. Ötən gün çatdırılan metanol ikinci partiyadır. İlk 3 min ton həcmində metanol iyunun əvvəlində tədarük edilib.
Azərbaycanda metanol istehsalı SOCAR-ın Qaradağ rayonunda yerləşən Metanol Zavodunda həyata keçirilir.
Metanol Zavodu 2013-cü ildə istismara verilib. Zavod 2016-cı ildən SOCAR-ın törəmə müəssisəsi olan “SOCAR Methanol” MMC-nin idarəçiliyi altında fəaliyyət göstərir, 2017-ci ilin avqust ayından isə şirkətin mülkiyyətinə keçib. Müəssisə illik 650-700 min ton metanol istehsal etmək gücünə malikdir. İstehsalatda xammal olaraq təbii qaz və duzlaşdırılmış su istifadə olunur. / Report
Femida.az
Oxunub: 412
Oxşar xəbərlər
- Azərbaycan Ordusunun mövqeləri atəşə tutulub
- Azərbaycan Mərkəzi Bankı əhaliyə xəbərdarlıq edib
- Azərbaycanda hərbi xidmətə növbəti çağırış başlayıb
- Azərbaycan Prezidenti Bolqarıstana rəsmi səfərə gedib
- Azərbaycan Mərkəzi Bankının valyuta məzənnələri (27.09.2022)
- Azərbaycanda qızlar niyə yoxa çıxır? - Görün hardan tapılırlar
- Azərbaycan Ordusunun əsgəri vəfat edib
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Azərbaycan Mərkəzi Bankının valyuta məzənnələri (05.09.2022)