Sabunçu dəmir yolu stansiyasında yeraltı tunelin tikintisinə başlanılıb
17:17 28 Avqust 2019
Bakı-Sabunçu-Pirşağı-Sumqayıt dairəvi dəmir yolunda aparılan yenidənqurma işləri ilə əlaqədar olaraq, təhlükəsizliyin təmin olunması məqsədilə Asəf Əsədullayev küçəsi ilə Qambay Vəzirov küçəsinin kəsişdiyi yerdə - 13-cü kilometrin 3-cü piketində (Sabunçu stansiyasının girişində) eyni səviyyəli dəmir yolu keçidinin yeraltı tunellə əvəz olunması prosesinə start verilib.
Femida.az xəbər verir ki, bu barədə “Azərbaycan Dəmir Yolları” Qapalı Səhmdar Cəmiyyəti Mətbuat katibliyi şöbəsinin rəisi Natəvan Bayramova məlumat verib.
Onun sözlərinə görə, bununla əlaqədar olaraq, avtomobillərin alternativ yollarla hərəkəti üçün hər cür şərait yaradılıb: "Hazırda kommunikasiya qurğularının (telefon, qaz, su, kanalizasiya) köçürülməsi və svayların vurulması işləri aparılır. İstinad divarları hazır olan kimi tunelin qazılması prosesi həyata keçiriləcək".
N.Bayramova bildirdi ki, bu tunelin tikintisi təhlükəsizliyin təmin olunmasında mühüm rol oynayacaq: "Bilirsiniz ki, bu dəmir yolu keçidindən çoxsaylı marşrut xətləri keçirdi. Günün pik saatlarında, qatarların hərəkəti zamanı, avtomobillər xeyli müddət yolun açılmasını gözləməli olurdular. Tunel istifadəyə veriləndən sonra bu problem də aradan qalxacaq".
Qeyd edək ki, yeraltı tunelin uzunluğu 262 metr, eni isə 15 metr olacaq. Tuneldə avtomobillərin hərəkəti üçün 3 yol ayrılacaq. 2-si Bakıxanovdan Sabunçu istiqamətinə, 1-i isə Sabunçudan Bakıxanov istiqamətinə gedəcək.
"İşlər sürətlə davam edir. Tunelin inşası başa çatanda, Bakı-Sabunçu-Bakı istiqamətində elektrik qatarlarının Sabunçu stansiyasınadək hərəkətinin tam bərpası haqqında vətəndaşlarımıza məlumat veriləcək", - deyə N.Bayramova vurğuladı.
Femida.az
Oxunub: 424
Oxşar xəbərlər
- Sabunçuda yolların yenidən qurulmasına 7,5 milyon manat ayrılıb
- Sabunçu rayonunda 55 yaşlı kişiyə xəsarət yetirilib
- Sabunçuda qaraçı oğlan bıçaqlanıb
- Ötən ay Sabunçuda narkotik satan və oğurluq edən 117 nəfər saxlanılıb
- Sabunçuda avtomobillə vurulan 63 yaşlı kişinin ayağı sınıb
- Sabunçuda 3 nəfər dəm qazından zəhərlənib
- Sabunçuda polis əməliyyat keçirib, 40 nəfər saxlanılıb
- Sabunçuda 15 yaşlı gənc dəm qazından zəhərlənib
- Sabunçuda iki avtomobil toqquşub, ölənlər var
- Sabunçuda ev yanıb, xəsarət alanlar var