Dərman şirkəti cərimələnib
17:25 30 Avqust 2019
Yasamal Rayon Məhkəməsi “City Farm” MMC-nin inzibati qaydada cərimələnməsi barədə qərar çıxarıb.
Femida.az-ın xəbərinə görə, şirkət Maliyyə Bazarlarına Nəzarət Palatasının İnzibati Xətalar Məcəlləsinin 430.4-cü maddəsinə əsasən tərtib etdiyi protokola əsasən cərimə edilib.
Qeyd edək ki, İXM-nin 430.4-cü maddəsi avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə məsuliyyəti nəzərdə tutur.
Bu inzibati xətaya görə, hüquqi şəxslər inzibati xətanın bilavasitə obyekti olmuş valyuta vəsaitinin iyirmi faizindən otuz faizinədək məbləğdə cərimə edilir.
Bakı şəhəri Yasamal Rayon Məhkəməsinin qərarından verilən şikayətə Bakı Apelyasiya Məhkəməsində baxılır
"City Farm" MMC-i 31 yanvar 2017-ci ildən fəaliyyətə başlayıb. Şirkət dərman vasitələrinin topdan və pərakəndə satışını həyata keçirir. City Farm MMC-i tikinti lisenziyası vasitəsi ilə tibbi klinikaların, dövlət xəstəxanalarının yenidən bərpası, təmiri sahəsində də fəaliyyət göstərir. Şirkət tibb sahəsində xüsusi lisenziya tələb edən avadanlıqların idxalını və satışını həyata keçirir.
Femida.az
Oxunub: 722
Oxşar xəbərlər
- Dərmanları çay və ya südlə qəbul etmək olar?
- Dərman vasitələrinin ekspertizası xidmətlərinin tarifləri dəyişdi
- Dərman vasitələrinin ekspertizası xidmətlərinin tarifləri dəyişdi
- Dərman qaçaqmalçılığının qarşısı alındı
- Dərmanların ekspertizasının aparılması ilə bağlı YENİ QAYDALAR
- Dərmanların topdansatışı üçün lisenziya necə alınır? - RÜSUM və SƏNƏDLƏR
- Dərmandan zəhərlənib öldü
- Dərmanlarla bağlı qanun dəyişdirildi
- Dərman əvəzinə səhvən sirkə turşusu içdi
- Dərmanların satış qiymətləri təsdiqləndi