Azərbaycanlı polis dördqat dünya çempionu oldu

15:30     31 Avqust 2019

vqustun 23-dən 25-dək Rumıniyada Kunq-fu sanda üzrə dünya çempionatı keçirilib. 15 ölkədən 300-dən artıq idmançının qatıldığı yarışda milli komandamız da təcrübəli idmançılarla təmsil olunub.
Daxili İşlər Nazirliyindən Femida.az -a verilən məlumata görə, ölkəmizin yığma komandasının tərkibində təmsil olunan Suraxanı Rayon Mühafizə Şöbəsinin əməkdaşı, polis serjantı Şənlik Talıbov mübarizə aparıb.

Təmsilçimiz çəkisi 85 kiloqramadək olan idmançılar arasında üç döyüş keçirib. Bolqar idmançı ilə qarşılaşan Ş.Talıbov döyüşə üstünlüklə başlayıb və sonadək bu tempi davam etdirib.

Daha sonra rumın və macar rəqiblərini də məğlub edən idmançımız dünya çempionatlarındakı qızıl medallarının sayını 4-ə çatdırıb.

Açar sözlər:

Oxunub: 430