Metroda cibgirlik edən şəxs tutulub


14:08     04 Sentyabr 2019 cibgir_ogru_00.jpg

Polis əməkdaşlarının keçirdikləri əməliyyat tədbiri nəticəsində ictimai nəqliyyatda və insanların sıx olduğu yerlərdə oğurluq edən şəxs müəyən olunaraq tutulub.


Femida.az xəbər verir ki, bu barədə Daxili İşlər Nazirliyi (DİN) Mətbuat xidməti məlumat yayıb. Bildirilib ki, Metropolitendə Polis Şöbəsinə müraciət edən Bakı şəhər sakini H.Musayev “28 May” stansiyasında cibində olan 188 manat pulunun oğurlandığını bildirib.

Müraciətlə əlaqədar dərhal müvafiq araşdırmalar aparılb, qısa müddətdə bu cinayət əməlini törədən şəxs müəyyən olunub.

“İsti izlər”lə keçirilən əməliyyat-axtarış tədbirləri nəticəsində oğurluq etməkdə şübhəli bilinən, əvvəllər də oğurluq və narkotiklərlə əlaqəli cinayətlərə görə məhkum olunan Xırdalan şəhər sakini N.Heydərov metronun “Koroğlu” stansiyasında tutulub. Faktla bağlı araşdırma aparılır.

Femida.az

Açar sözlər:

Oxunub: 178