Bakıda görülməmiş vandallıq - Şirvanşahlar dövrünə aid abidə dağıdıldı
11:19 05 Sentyabr 2019
Zirə qəsəbəsində Şirvanşahlar dövrünə aid məqbərənin ağır texnika vasitəsilə dağıdılaraq məhv edilməsi faktı müəyyən olunub.
Bu barədə Femida.az-a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov deyib. Onun sözlərinə görə, məsələ ilə bağlı dövlət qurumlarına məlumat verilib:
"Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə Xəzər rayonu Zirə qəsəbə inzibati ərazi dairəsi üzrə nümayəndəliyin ərazisində yerləşən, tarixi mənbələrdə Kələzağ adlandırılan "Qışlaq yaşayış yeri"nin dağıdılması barədə daxil olmuş məlumata əsasən əməkdaşlarımız abidəyə baxış keçirib. Baxış zamanı yaşayış yerinin ərazisində yerləşən qəbiristanlıq və Şirvanşahlar dövrünə aid məqbərənin ağır texnika vasitəsilə dağıdılaraq məhv edilməsi faktı müəyyən olunub. Hadisə ilə bağlı Xəzər Rayon İcra Hakimiyyətinə məlumat verilib. Zəruri məlumatlar hazırlanaraq hüquq-mühafizə orqanlarına da məlumat veriləcək".
F.Hüseynov əlavə edib ki, abidə Nazirlər Kabinetinin 2001-ci il 2 avqust tarixli qərarı ilə yerli əhəmiyyətli abidə kimi dövlət tərəfindən mühafizə olunun daşınmaz tarix və mədəniyyət abidələri siyahıslndadır.
Femida.az
Oxunub: 1495
Oxşar xəbərlər
- Prezident İlham Əliyev Gəncədə ümummilli lider Heydər Əliyevin abidəsini ziyarət edib
- Biləsuvarda şəhidin abidəsinin qarşısından gül dibçəkləri oğurlanıb
- "Qarabağdakı abidələrinin 95 %-i acınacaqlı vəziyyətdədir"
- Qarabağda bərpa olunacaq tarixi abidələrin sayı açıqlandı
- Ermənilər Cəbrayılda tarixi abidəni minalayıb - FOTO
- Şəkidə daha 58 abidə dövlət mühafizəsinə götürülüb
- Nazir Belqradda Heydər Əliyevin abidəsini ziyarət edib
- Pakistan Abidəsi Azərbaycan bayrağı ilə işıqlandırılıb
- Nazirlik abidələrin ucaldılması qaydasını açıqlayıb
- Qarabağda 15 tarixi abidənin pasportu hazırlanıb