Bank işçisini avtomobillə vuran yeniyetməyə hökm oxunub
17:33 06 Sentyabr 2019
Bakıda ölümlə nəticələnən qəza törətməkdə təqsirləndirilən 2002-ci il təvəllüdlü Qurbanəli Qurbanovun cinayət işi üzrə məhkəmə başa çatıb.
Femida.az -ın məlumatına görə, hakim Novruz Kərimovun sədrliyi ilə keçirilən prosesdə hökm oxunub.
Hökmə əsasən Q. Qurbanov 3 il müddətinə azadlıqdan məhrum edilib.
Qeyd edək ki, hadisə ötən il dekabrın 21-də saat 19 radələrində Xətai rayonu Nobel prospektində baş verib. Həmin ərazidə müəyyən edilməmiş avtomobillə yolu keçən Bakı şəhər sakini, 1981-ci il təvəllüdlü Ləman Süleymanlı vurulub. Yaralı yerləşdirildiyi xəstəxanada ölüb.
Bakı şəhər Baş Polis İdarəsinin Təhlükəsiz Şəhər Xidməti və Xətai Rayon Polis İdarəsinin 37-ci Polis Şöbəsi əməkdaşlarının keçirdikləri əməliyyat tədbirləri nəticəsində hadisəni törədənin “Nissan” markalı avtomobilin sürücüsü, Bakı şəhər sakini Qurbanəli Qurbanov olması müəyyən edilib və o, saxlanılıb.
Araşdırma zamanı məlum olub ki, Q.Qurbanovun 16 yaşı var və onun sürücülük vəsiqəsi yoxdur.
Onu da qeyd edək ki, qəzada dünyasını dəyişən Ləman Süleymanlı "AzərTürkBank"da mühasib – şöbə müdiri vəzifəsində çalışıb.
Oxunub: 494
Oxşar xəbərlər
- Bankın departament direktoruna qarşı dələduzluq edən şəxsə hökm oxunub
- Bank kartlarından pul oğurlayan “Arsenics” saxlanılıb - VİDEO
- Bank kartlarının nömrələrini istəyənlər tutuldu
- Bank təmsilçiliyi və uşaqların xaricə aparılması üçün etibarnaməni MOBİL TELEFONLA VERMƏK MÜMKÜN OLDU
- Bankın vəzifəli şəxslərinin qanunsuz əməlləri ifşa edildi - RƏSMİ
- Banklar xüsusi rejim dövründə fəaliyyət göstərəcək
- Bankirin oğlunun ölümü ilə bağlı cinayət işi başlanıb
- Banklar gücləndirilmiş iş rejimində fəaliyyət göstərəcək
- Bank əməkdaşı iş yerindən 62 min manat mənimsədi
- Bankın keçmiş filial rəhbərinin cinayət işi yenidən araşdırlacaq