Bu gün Azərbaycan yığması Xorvatiya ilə qarşılaşacaq
09:16 09 Sentyabr 2019
Bu gün futbol üzrə Azərbaycan milli komandası AVRO-2020-nin seçmə mərhələsində növbəti oyununu keçirəcək.
Rəqib 2018-ci il dünya çempionatının gümüş mükafatçısı Xorvatiya yığması olacaq. "Bakcell Arena"da keçiriləcək qarşılaşma saat 20:00-da başlanacaq. Matçı isveçrəli Sandro Şörerin başçılığı altında isveçrəli hakimlər briqadası idarə edəcək.
E qrupunda ilk dövrədən sonra Xorvatiya 4 oyuna 9 xalla 2-ci pillədə qərarlaşıb. Hələ xal qazana bilməyən Azərbaycan isə sonuncu - 5-ci pillədədir.
İki komanda indiyədək 3 dəfə üz-üzə gəlib. AVRO-2016-nın seçmə mərhələ matçlarından birincisi Xorvatiyanın 6:0 hesablı qələbəsi ilə yekunlaşıb. 2014-cü il oktyabrın 13-də Osiyek şəhərində keçirilmiş görüşdən sonra Azərbaycan millisinin ovaxtkı baş məşqçisi Berti Foqts istefa verib. 2015-ci il sentyabrın 3-də Bakıda oynanılmış qarşılaşma isə qolsuz nəticələnib. Bu matçın ardından isə Niko Kovaç Xorvatiya yığmasının sükanı arxasından ayrılıb. Nəhayət, cari seçmə tsikldə martın 21-də Zaqrebdə baş tutmuş görüş Xorvatiyanın qələbəsi ilə bitib - 2:1.
Femida.az
Oxunub: 565
Oxşar xəbərlər
- Samsung Neo QLED 8K ilə evinizə böyük futbolu gətirin (FOTOLAR)
- Azərbaycanda futbolçu faciəvi şəkildə öldü-FOTO
- Ukraynada 16 yaşlı futbolçu anası ilə birgə öldürülüb
- Ukraynada ölən futbolçuya qəhrəman adı verilib
- Azərbaycan bayrağını təhqir edən erməni futbolçulara cinayət işi açılıb
- Gənc futbolçu silah və narkotik saxladığı üçün həbs olunub
- Azərbaycan çempionatında futbolçular arasında kütləvi dava düşüb
- Komada olan erməni futbolçu ölüb
- Azərbaycanda veteran futbolçu vəfat edib
- Əfqanıstanlı futbolçu ölkəni tərk etmək istəyərkən vəfat edib