Elmi müəssisələr akkreditasiyadan keçiriləcək
15:20 11 Sentyabr 2019
Hazırda Azərbaycan Milli Elmlər Akademiyasının iştirakı ilə ölkəmizdə fəaliyyət göstərən elmi müəssisələrin akkreditasiyası haqqında əsasnamənin layihəsi hazırlanır.
Femida.az-ın məlumatına görə, bunu AMEA-nın prezidenti, akademik Akif Əlizadə deyib.
A.Əlizadə ötən il Nazirlər Kabinetinin qərarı ilə yaradılan Azərbaycan Respublikasının Elmi Tədqiqatların Əlaqələndirilməsi Şurasının qarşısında duran əsas vəzifələrin yerinə yetirilməsini təmin etmək məqsədilə elmi istiqamətlər üzrə elmi şuraların yaradıldığını və onların sədrlərinin təyin edildiyini nəzərə çatdırıb.
Alim bundan sonra elmi şuraların 40-a yaxın yeni elmi istiqamətdə fəaliyyət göstərəcəyini deyərək, bu istiqamətlər üzrə daha səmərəli nəticələrin əldə edilməsi məqsədilə elmi şuralara müəyyən tapşırıqlar verib.
AMEA rəhbəri elmi mövzuların, aktual elmi problemlərin müvafiq istiqamətdə fəaliyyət göstərən elmi şuralarda müzakirə olunmasının vacibliyini qeyd edib:
“Hər bir mövzu seçilərkən onun yeniliyinə, aktuallığına və elmi əhəmiyyətinə diqqət yetirilməlidir. Bu məsələdə məsul şəxslər fəal olmalı, yeni təkliflər verməli, hər bir elmi işə məsuliyyətlə yanaşmalıdırlar.”
Alim Azərbaycan elminin dünya elminin tələblərinə cavab verməsi üçün aktual, prioritet istiqamətlərdə araşdırmaların aparılmasının vacibliyini vurğulayıb, elmi şuralarda bu məsələ ilə bağlı geniş müzakirələrin aparılmasının məqsədəuyğun olduğunu deyib.
Femida.az
Oxunub: 548
Oxşar xəbərlər
- Elmi-Tədqiqat Tibbi Bərpa İnstitutuna yeni direktor təyin olunub
- Elmir Vəlizadə vəzifəsindən azad edildi - SƏRƏNCAM
- Elmira Süleymanovaya Azərbaycan Prezidentinin fərdi təqaüdü veriləcək
- Elmi dərəcəsi olan hərbi qulluqçulara əlavə yaşayış sahəsi verilməsi təklif olunur
- Elmi təşkilatlara yeni hüquq verilir
- Elmira Axundova səfir təyin edildi
- Elmi Tədqiqatların Əlaqələndirilməsi Şurasının yeni tərkibi - SİYAHI
- Elmi fəaliyyətinizi bu yolla maliyyələşdirin - Hüquqi maarifləndirmə
- Elmi-Texniki Kitabxanaya “Respublika” statusu verilib
- Elmira Süleymanova: "Yeni Ombudsmanı təbrik etmişəm"