İki güləşçimiz dünya çempionatında yarımfinala yüksəlib
11:55 14 Sentyabr 2019
Qazaxıstanın paytaxtı Nur-Sultanda güləş üzrə dünya çempionatına start verilib.
Femida.az-ın məlumatına görə, ilk yarış günündə yunan-Roma güləşi üzrə qeyri-olimpiya çəkiləri olan 55, 63, 72 və 82 kq-da çıxış edən idmançılar mübarizəyə qoşulublar.
Azərbaycan yığmasının heyətində Eldəniz Əzizli və Rafiq Hüseynov keçirdikləri görüşləri qələbə ilə başa vuraraq, yarımfinalda iştirak hüququ qazanıblar.
Belə ki, milli üzvlərindən Sənan Süleymanov (72 kq) təsnifat mərhələsində Dominik Etlingerlə üz-üzə gəlib. O, rəqibini 2:0 hesabı ilə məğlub edib. Güləşçi 1/8 finalda gürcüstanlı Yuri Lomadzeni sınağa çəkib. S. Süleymanov qarşılaşmanın gedişində 3:5 hesabı ilə geri düşsə də, yekunda bu dueldən də qalib ayrılıb - 11:5. Milli üzvü 1/4 finalda macarıstanlı Balint Korpaşi ilə üz-üzə gəlib və 0:6 hesabı ilə məğlub olub.
Rafiq Hüseynovun da debütü uğurlu alınıb. Mihail Braduya (Moldova) 6:0 hesabı ilə qalib gələn pəhləvan 1/8 finalda Yuri Şkryuba (Ukrayna) ilə qüvvəsini sınayıb. Təmsilçimiz bu dəfə də rəqibini məğlub etməkdə çətinlik çəkməyib - 7:0. 1/4 finalda qazaxıstanlı Marat Yerejepovla güləşib. R. Hüseynov qarşılaşmada vaxtından əvvəl qalib elan olunub. Bu, 1:7 hesabı ilə uduzan rəqibin zədələnərək, döyüşü davam etdirə bilməməsi səbəbindən baş verib. Qələbə təmsilçimizi yarımfinala daşıyıb.
55 kq çəkidə mübarizə aparan Eldəniz Əzizli ilk döyüşünü hindistanlı Manjet Manjetə qarşı keçirib. 1/8 final çərçivəsində baş tutan qarşılaşma güləşçimizin asan qələbəsi ilə yekunlaşıb - 8:0. Dünya çempionumuz monqolustanlı Davaabandi Munx Erdeni də məğlub etməkdə çətinlik çəkməyib (9:0) və adını yarımfinala yazdırıb. O, finala vəsiqə üçün iranlı Səid Abdvali ilə münasibətinıə aydınlıq gətirəcək.
Elman Muxtarovun (63 kq) da ilk döyüşü 1/8 finala təsadüf edib. Ermənistanlı Slavik Qalstyanla güləşən idmançı 7:3 hesabı ilə öndə olsa da, yekunda 7:16 hesabı ilə uduzub.
Qeyd edək ki, mundial sentyabrın 22-də başa çatacaq.
Femida.az
Oxunub: 445
Oxşar xəbərlər
- İki məhkəmə sədri Məhkəmə Hüquq Şurasına üzv seçilib
- İki ölkədən Azərbaycana quş ətinin gətirilməsinə məhdudiyyət qoyulub
- İki rayon və bir şəhərə yeni prokuror təyin edildi
- İki aydır komada olan hərbçi vəfat etdi
- İki gündə toylara görə 16 nəfər cərimələnib
- İki nazirlik Yardımlıdakı yanğınla bağlı məlumat yaydı
- İki ölkədən Azərbaycana quş ətinin gətirilməsinə məhdudiyyət qoyuldu
- İki media işçisi Kəlbəcərdə minaya düşərək həlak oldu
- İki nəfər evdə halsız vəziyyətdə tapıldı
- İkinci Dünya müharibəsinin iştirakçılarına birdəfəlik maddi yardım veriləcək - SƏRƏNCAM