Taekvondoçumuz Qran-prinin qalibi oldu

Taekvondoçumuz Qran-prinin qalibi oldu


16:25     15 Sentyabr 2019 2019/09/98628699-190A-4E38-A4D4-CD2F933A85F0_1568550411.jpeg

Yaponiyanın Çiba şəhərində keçirilmiş Qran-pridə Azərbaycan taekvondoçuları iki medal qazanıblar.

Femida.az xəbər verir ki, G4 kateqoriyalı yarışın son günü 80 kq çəki dərəcəsində mübarizəyə qatılan Milad Beigi Hərçəqani qızıl medala sahib olub.

Harçeqani ardıcıl olaraq, fransalı İsmail Suhili, ispaniyalı Daniel Barreranı və italiyalı Simone Allesionu yarışdan kənarlaşdıraraq yarımfinala adlayıb. Finala vəsiqə uğrunda xorvatiyalı Toni Kanaetə qarşı döyüşdən də qalib ayrılan əslən iranlı legioner həlledici qarşılaşmada rusiyalı Anton Kramtçovu da yenib.

Daha əvvəl Radik İsayev (80 kq) yalnız yarımfinalda məğlub olaraq bürünc medala layiq görülüb.

Yaponiya Qran-prisində Azərbaycanı ümumilikdə 8 taekvondoçu təmsil edib. Növbəti Qran-pri 18 - 20 oktyabrda Bolqarıstanın paytaxtı Sofiyada, final mərhələsi isə 6-7 dekabrda Rusiyanın paytaxtı Moskvada keçiriləcək.

Femida.az

Açar sözlər:

Oxunub: 222


Oxşar xəbərlər