Elşad Əhmədov istefa verdi
10:37 16 Sentyabr 2019
Azərbaycan Premyer Liqasında çıxış edən "Sabah" klubunda baş məşqçi dəyişikliyi olub.
Femida.az xəbər verir ki, əsas komandanının baş məşqçisi Elşad Əhmədov bundan sonra klub prezidentinin müşaviri vəzifəsini yerinə yetirəcək.
Qərar klub rəhbərliyi ilə 49 yaşlı mütəxəssis arasında qarşılıqlı razılıq əsasında qəbul olunub. Əsas komandanın baş məşqçi postu müvəqqəti olaraq əvəzedici kollektivə rəhbərlik edən Rövşən Babayevə həvalə olunub. Yaxın günlərdə klubun Müşahidə Şurasının növbədənkənar iclası keçiriləcək.
İclasda komandanın son nəticələri müzakirə edilməklə yanaşı, yeni baş məşqçinin təyinatı məsələsinə də baxılacaq.
"Sabah" 4 turdan sonra 2 xalla sonuncu pillədə qərarlaşıb.
Xatırladaq ki, bu, mövsümdə ikinci istefadır. Bundan öncə “Qəbələ”nin baş məşqçisi Sənan Qurbanov postundan ayrılmışdı.
Femida.az
Oxunub: 551
Oxşar xəbərlər
- Elşad Hacıyev təltif edildi
- Elşad Hacıyevə DİN-də yüksək vəzifə verildi
- Elşad Hacıyevi ölümlə hədələyən şəxsə hökm oxundu
- Elşad Hacıyevi ölümlə hədələyən şəxsin cinayət işi məhkəməyə göndərilib
- Elşad İskəndərovun Türkiyə girişinə qadağa qoyulub? - XİN-dən rəsmi açıqlama
- Elşad İsgəndərovun Türkiyəyə girişi qadağan olunub
- Elşad İskəndərova yeni vəzifə verildi
- Elşad Miraləm vəzifəsindən azad edildi