XİN-dən Özbəkistanın Türk Şurasına üzv olması ilə bağlı bəyanat
14:40 16 Sentyabr 2019
Azərbaycan Xarici İşlər Nazirliyi (XİN) Özbəkistanın Türkdilli Dövlətlərin Əməkdaşlıq Şurasına (Türk Şurası) üzv olması qərarı ilə əlaqədar bəyanat yayıb.
XİN-dən Özbəkistanın Türk Şurasına üzv olması ilə bağlı bəyanat
XİN-dən Femida.az-a daxil olan bəyanatda bildirilib ki, 2019-cu il sentyabrın 14-nə təsadüf edən Özbəkistan tərəfindən Naxçıvan Sazişinin ratifikasiyasının tamamlanması Türkdilli Dövlətlərin həmrəyliyinin möhkəmləndirilməsində növbəti əlamətdar hadisə olub.
“Belə ki, 2009-cu ildə Naxçıvan Sazişi ilə əsası qoyulan və indiyə qədər Azərbaycan, Qazaxıstan, Qırğızıstan və Türkiyənin üzv olduğu TDƏŞ-ə daha bir türkdilli ölkə - Özbəkistanın qoşulmaq qərarı açıqlandı. Bu qərarı münasibətilə qardaş Özbəkistanı təbrik edirik. Özbəkistanın Türk Şurasında təmsil olunmaq qərarı dərin çoxəsrlik köklərə əsaslanan mədəni və tarixi qardaşlığımızı müasir zəmanənin tələblərinə uyğun olaraq Türkdilli Dövlətlərin xalqlarının rifahı naminə daha da inkişaf etdirmək baxımından mühüm əhəmiyyət kəsb edir.
Özbəkistanın TDƏŞ-ə qoşulması barədə bu tarixi qərarının, məhz Naxçıvan Sazişinin imzalanmasının 10-cu ildönümünə təsadüf etməsi Azərbaycan üçün xüsusi rəmzi məna daşıyır. Bu il oktyabrın 15-də Bakıda keçiriləcək Türk Şurasının 7-ci Zirvə görüşündə Prezident Şavkat Mirziyoyevin rəhbərliyi ilə qardaş Özbəkistanın nümayəndə heyətini salamlamaq bizim üçün şərəfli və xoş bir fürsət olacaq”, - bəyanatda qeyd olunub.
Femida.az
Oxunub: 452
Oxşar xəbərlər
- XİN-dən Dirçəliş Günü XİN-dən Dirçəliş Günü təbriki
- XİN-dən Ermənistanın Azərbaycan mövqelərini atəşə tutmasına MÜNASİBƏT
- XİN-dən erməni cinayətləri ilə bağlı AÇIQLAMA
- XİN-dən Ermənistana çağırış: Boş bəyanatlar verməyin
- XİN-dən 20 Yanvar faciəsinin ildönümü ilə bağlı BƏYANAT
- XİN-dən ermənilərin Xocavənddə törətdikləri təxribatla bağlı AÇIQLAMA
- XİN-dən fransalı deputatların Qarabağa gedəcəyi xəbərinə münasibət
- XİN-dən Mnatsakanyana CAVAB
- XİN-dən saxlanılan erməni diversiya qrupunun komandiri ilə bağlı açıqlama
- XİN-dən Rusiyadakı azərbaycanlılarla bağlı açıqlama