Fuat Oktay: “Azərbaycan bölgədə örnək ölkəyə çevrilib”
18:30 16 Sentyabr 2019
“İqtisadi inkişafı, həyata keçirdiyi böyük sosial-iqtisadi islahatlar və mühüm beynəlxalq tədbirlərə ev sahibliyi Azərbaycanı bölgədə örnək ölkəyə çevirib”.
Femida.az-ın məlumatına görə, bunu bu gün Azərbaycan-Türkiyə Biznes Forumunda çıxış edən Türkiyə Respublikasının Vitse-prezidenti Fuat Oktay bildirib.
F. Oktay deyib ki, Azərbaycan və Türkiyə ortaq fəaliyyətlə bölgənin sabitliyi və inkişafına da önəmli töhfə verir: “İki ölkə arasında ticarət dövriyyəsinin həcmi 2002-2018-ci illər arasında 8 dəfədən çox artaraq 3,2 milyard dollar, başqa bir hesablamaya görə, 3,4 milyard dollar səviyyəsinə çatıb. 2018-ci ildə 2017-ci illə müqayisədə Türkiyənin Azərbaycana ixracı 8,7 faiz artıb. Türkiyənin Azərbaycandan idxalı isə 2017-ci illə müqayisədə 2018-ci ildə 32 faiz artıb, 1,8 milyard dollara çatıb”.
Türkiyə vitse-prezidenti qeyd edib ki, iki ölkənin prezidentləri – Rəcəb Tayyib Ərdoğan və İlham Əliyev tərəfindən 2023-cü il üçün hədəf də açıqlanıb: “Söhbət 15 milyard dollarlıq ticarət dövriyyəsindən gedir. Bu gün qəbul edilən qərarlarla iqtisadi əlaqələrimizi inkişaf etdirməyə qərarlı olduğumuzu ortaya qoyduq”.
Femida.az
Oxunub: 384
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"