Beynəlxalq Türk Mədəniyyəti və İrsi Fondu məktəblilər üçün rəsm müsabiqəsi elan etdi
17:12 17 Sentyabr 2019
Beynəlxalq Türk Mədəniyyəti və İrsi Fondu Azərbaycan Respublikasının Təhsil Nazirliyi ilə birgə 6-16 yaş kateqoriyasında olan məktəblilər üçün “Rəngarəng Türk Dünyası” adlı beynəlxalq rəsm müsabiqəsi elan edir. Rəsm əsərlərində türk xalqlarının şanlı tarixi, mədəniyyət və incəsənəti, adət-ənənələri, yerləşdiyi ərazinin coğrafi xüsusiyyətləri əks etdirilməlidir.
Naxçıvan Sazişinin imzalanmasının 10 illiyinə həsr olunan müsabiqə istedadlı, rəsmlə maraqlanan məktəblilərə dəstək olmaq, eyni zamanda türkdilli xalqların zəngin mədəni irsini təbliğ etmək və gənc nəsil arasında yaşatmaq məqsədini daşıyır.
Müsabiqədə iştirak etmək arzusunda olanlar ad və soyad, təvəllüd, əlaqə nömrəsi, oxuduğu məktəb və ya təsviri sənətlə məşğul olduğu tədris mərkəzinin adını qeyd etməklə rəsm əsərlərini 1 oktyabr 2019-cu il tarixinədək Beynəlxalq Türk Mədəniyyəti və İrsi Fonduna A.Bakıxanov 73A, Bakı şəhəri, Azərbaycan Respublikası, həmçinin, [email protected] ünvanına göndərməlidirlər.
Münsiflər heyəti tərəfindən müəyyənləşdiriləcək qaliblər hədiyyə və sertifikatlarla təltif olunacaqlar.
Oxunub: 756
Oxşar xəbərlər
- Beynəlxalq Qırmızı Xaç Komitəsinin prezidenti Rusiyaya səfər edəcək
- Beynəlxalq Ədalət Məhkəməsi Ukrayna-Rusiya işi üzrə dinləmələr keçirəcək
- Beynəlxalq axtarışda olan şəxs Ukraynadan Azərbaycana ekstradisiya edilib
- Beynəlxalq Qırmızı Xaç Komitəsinə yeni rəhbər seçilib
- Beynəlxalq axtarışa verilən azərbaycanlı Ukraynada tutuldu
- Beynəlxalq Kitab Sərgisində Ermənistanın cinayətləri nümayiş etdirilir
- Beynəlxalq Bank “Şərurlu İsfəndiyar” və keçmiş deputatın oğlunu məhkəməyə verdi
- Beynəlxalq Prokurorlar Assosiasiyasının nümayəndə heyəti Azərbaycana gəlib
- Beynəlxalq hüquq yalnız hərbi yolla bərpa edilə bilərdi
- Beynəlxalq qurumlara Bərdə terroru barədə hesabat göndərildi