Vakant dövlət qulluğu vəzifələri üzrə müsahibədə bu günədək 251 nəfər uğur qazanıb

Vakant dövlət qulluğu vəzifələri üzrə müsahibədə bu günədək 251 nəfər uğur qazanıb


14:21     21 Sentyabr 2019 2019/09/5d85d77791349_15690504445346034011_1000x669_1569061346.jpg

Mərkəzi icra hakimiyyəti və məhkəmə hakimiyyəti orqanları olmaqla, ümumilikdə 6 dövlət orqanında inzibati dövlət qulluğu vəzifələrinin A (6 vəzifə) və B (337 vəzifə) növünə aid olan 343 vakant vəzifənin tutulması üçün Dövlət İmtahan Mərkəzi (DİM) tərəfindən aprelin 1-də elan olunmuş müsabiqənin müsahibə mərhələsi davam edir.



Femida.az DİM-in saytına istinadən xəbər verir ki, sentyabrın 21-i saat 11:15-dək olan göstəricilərə əsasən, müsabiqənin müsahibə mərhələsində 251 nəfər uğur qazanıb. Onlardan 216 nəfər Əmək və Əhalinin Sosial Müdafiəsi Nazirliyində, 32 nəfər Vətəndaşlara Xidmət və Sosial İnnovasiyalar üzrə Dövlət Agentliyində, 2 nəfər Şamaxı Rayon Məhkəməsində, 1 nəfər isə Şəki Apelyasiya Məhkəməsində müxtəlif vəzifələrə uyğun bilinib.

Qeyd edək ki, müsahibələr oktyabrın 21-də başa çatacaq. Müsahibəyə çıxarılması üçün dövlət orqanları arasında ən çox vakant vəzifə Əmək və Əhalinin Sosial Müdafiəsi Nazirliyi (317 vəzifə) tərəfindən təqdim olunub. Ümumilikdə müsahibəyə çıxarılmış 343 vakant vəzifənin 1-i 4-cü təsnifata, 28-i 5-ci təsnifata, 2-si 6-cı təsnifata, 312-si isə 7-ci təsnifata aid olmaqla, 1-i AB, 5-i AC, 28-i BA, 309-u isə BB vəzifə qrupuna aiddir.

Femida.az


Açar sözlər:

Oxunub: 174