Cahangir Novruzova “Xalq artisti” adı təqdim olundu
20:30 23 Sentyabr 2019
Bu gün Cahangir Novruzova “Xalq artisti” fəxri adı təqdim olunub.
Mədəniyyət Nazirliyindən Femida.az -a verilən məlumata görə, sentyabrın 23-də nazir Əbülfəs Qarayev fəxri adı Cahangir Novruzova təqdim edib.
Nazir bildirib ki, Azərbaycan mədəniyyətinə böyük töhfələr verən məşhur nəslin nümayəndəsi olan aktyor öz soyunun sənət yolunu layiqincə davam etdirir. Cahangir Novruzov teatr sənətimizin zəngin ənənələrini Adananın Çukurova Universiteti Dövlət Konservatoriyasında təbliğ edir və artıq həmin təhsil ocağında öz məktəbini formalaşdırıb.
Əbülfəs Qarayev dövlət başçısının sərəncamı ilə yüksək fəxri ada layiq görülməsi münasibətilə sənətkara təbriklərini çatdırıb, “Xalq artisti” adının nişanını və vəsiqəsini ona təqdim edib.
Yaradıcılığına verilən yüksək qiymətə görə dövlət başçısına minnətdarlığını bildirən teatr xadimi bundan sonra da mədəniyyətimizin inkişafı və təbliği istiqamətində yorulmadan çalışacağını diqqətə çatdırıb.
Qeyd edək ki, Prezident İlham Əliyevin sərəncamı ilə tanınmış aktyor və rejissor, Türkiyənin Adana Çukurova Universiteti Dövlət Konservatoriyasının professoru Cahangir Novruzov “Xalq artisti” fəxri adına layiq görülüb.
Oxunub: 470
Oxşar xəbərlər
- Cahangir Hacıyev və keçmiş deputat yenidən Ali Məhkəməyə müraciət edib
- Cahangir Hacıyev və Dünyamin Xəlilovun işi ilə bağlı yeni apellyasiya baxışı təyin olunub
- Zəngilan rayonunun Cahangirbəyli kəndi
- Prezident Cahangir Əsgərovu təltif etdi
- Cahangir Hacıyev Ali Məhkəməyə şikayət verdi
- Cahangir Hacıyevin şikayəti təmin edilməyib
- Cahangir Hacıyevin ərizəsi təmin edilməyib
- Məhkəmə Cahangir Hacıyevin cəzasını azaldıb - QƏRAR
- Jurnalist Cavanşir Cahangirov vəfat edib
- Cahangir Hacıyev bəraət istəyib