Ramiz Taxveli qayınanasını məhkəməyə verdi
15:27 26 Sentyabr 2019
Arvadını 5-ci mərtəbənin balkonundan ataraq öldürməkdə təqsirləndirilən “Buta Palace”ın art direktoru Ramiz Taxveli qayınanasına qarşı məhkəmə iddiası qaldırıb.
“Qafqazinfo”nun verdiyi xəbərə görə, R.Taxveli mərhum həyat yoldaşı Adelya Taxvelinin anası Samirə Süleymanovaya qarşı mülki iddia irəli sürüb.
R.Taxvelinin vəkili Qanqa İbrahimov saytımıza açıqlamasında bildirib ki, S.Süleymanova hadisənin baş verdiyi mənzilin açarlarına özündə saxlayaraq Taxveli ailəsinə təhvil vermir: “Ev rəsmi olaraq, sənədlərlə Ramiz Taxvelinin adınadır. Samirə xanım isə evin açarlarını özündə saxlayır. Ramizin ailəsinin evə daxil olmasına, oradakı avadanlıqlardan istifadəyə, Ramizin şəxsi əşyalarını götürməyə icazə vermir. Eyni zamanda, həmin binanın qarajında saxlanılan və Ramizə məxsus “Lexus” markalı avtomobili də geri qaytarmaqdan imtina edir”.
R.Taxvelinin ailəsi öncə polisə şikayət edib, oradan isə bu məsələnin mülki mübahisə olduğu bildirilib. Buna görə də mənzilin və maşının qaytarılması üçün R.Taxvelinin adından Nəsimi rayon Məhkəməsinə müraciət edilib.
İşə hakim Rəşid Səmədovun sədrliyi ilə baxılacaq.
Eyni zamanda R.Taxveli ilə bağlı Nəsimi Rayon Məhkəməsində daha bir çəkişmə prosesi var. “Unibank” ipoteka kredit müqaviləsi üzrə ödənilməmiş borca görə Ramiz Taxvelini məhkəməyə verib. O işə isə hakim Pərviz Hüseynovun sədrliyi ilə baxılır.
Qeyd edək ki, R.Taxveli arvadını öldürməkdə və narkotik daşınmasında ittiham olunur. Onun bu cinayət işinə hazırda Bakı Ağır Cinayətlər Məhkəməsində baxılır.
Oxunub: 801
Oxşar xəbərlər
- Ramiz Mehdiyevin qohumu 30 sutka müddətinə həbs edilib
- Ramiz Mehdiyev istefa verib
- Ramiz Göyüşovu şantaj etməkdə təqsirləndirilən sayt rəhbərinə hökm oxunub
- Ramiz Mehdiyev və Hacıbala Abutalıbovun məhkəmədə dindirilməsi istənilib
- Ramiz Göyüşov YAP-dan çıxarılıb
- Ramiz Əzizbəyli vəfat edib
- Ramiz Məmmədov vəfat edib
- Ramiz Həsənov nazir müavini vəzifəsindən azad edildi - Səfir təyin edildi
- Ramiz Məmmədov sabah dəfn ediləcək
- Ramiz Mehdiyevin həyat yoldaşına qarşı iddia üzrə məhkəmə prosesi keçirilib