Şəxsiyyət vəsiqələri qeydiyyatdan asılı olmayaraq veriləcək
19:34 28 Sentyabr 2019
Daxili İşlər naziri Vilayət Eyvazov şəxsiyyət vəsiqələrinin verilməsi sahəsində vətəndaş məmnunluğunun artırılması ilə bağlı əlavə tədbirlər barədə əmr imzalayıb.
Daxili İşlər Nazirliyindən Femida.az -a bildirilib ki, əmrə əsasən, ərazi polis orqanlarının və “ASAN xidmət” mərkəzlərində fəaliyyət göstərən Daxili İşlər Nazirliyinin qeydiyyat məsələləri qurumlarının əməkdaşları tərəfindən Azərbaycan Respublikası vətəndaşının şəxsiyyət vəsiqəsi noyabr ayının 1-dən yaşayış yeri üzrə qeydiyyatdan asılı olmayaraq veriləcək.
Qeyd edək ki, Prezident İlham Əliyevin müvafiq fərmanına uyğun olaraq 2013-cü ilin sentyabr ayından tətbiqinə başlanılmış elektron daşıyıcısı olan ümumvətəndaş pasportları da vətəndaşlarımıza elə həmin ildən etibarən yaşayış yerindən asılı olmayaraq hər bir “ASAN xidmət” mərkəzində və ərazi polis qurumunda verilir.
Ümumən Daxili İşlər Nazirliyinin fəaliyyətinin bütün istiqamətlərində vətəndaşlara yüksək standartlara uyğun xidmətin göstərilməsi üçün zəruri tədbirlər görülür.
Femida.az
Oxunub: 647
Oxşar xəbərlər
- Şəxsiyyət vəsiqələri ilə bağlı YENİLİK
- Şəxsiyyət vəsiqələri ilə sərnişin daşımaq istəyən həbs edildi
- Şəxsiyyət vəsiqəsini almaq üçün hansı sənədlər tələb olunur? - SİYAHI
- Şəxsiyyət vəsiqələri ilə bağlı YENİLİK: Bu gündən etibarən...
- Şəxsiyyət vəsiqələri yeni qaydalarla veriləcək
- Şəxsiyyət vəsiqələri xarici pasportun içində olacaq? – Rəsmi
- Şəxsiyyət vəsiqəsindəki qan qruplarına güvənmək olmaz - XƏBƏRDARLIQ
- Şəxsiyyət vəsiqəsinə görə yeni rüsumlar təsdiqləndi
- Şəxsiyyət vəsiqəsinin verilməsinə görə dövlət rüsumu DƏYİŞİR