AÇG-də 150 milyon dollarlıq iki yeni müqavilə imzalandı
12:22 01 Oktyabr 2019
"BP Exploration" Xəzər dənizinin Azərbaycan sektorundakı "Azəri-Çıraq-Dərinsulu Günəşli" (AÇG) yataqlar blokunun işlənməsi çərçivəsində "Mərkəzi-Şərqi Azəri" platformasının tikintisi layihəsi üçün "Subsea7" şirkəti ilə ümumi dəyəri 50 milyondan 150 milyon dollara qədər olan iki müqavilə imzalayıb.
Femida.az Report-a istinadən xəbər verir ki, "Subsea7" şirkəti bu barədə məlumat yayıb.
Müqavilə çərçivəsində sualtı qurğuların layihələndirilməsi və istehsalı, çarxların daşınması və quraşdırılması, 16200 ton daşıma qabiliyyəti olan dayaq blokunun işə salınması və 18500 ton daşıma qabiliyyəti olan üst tikilinin quraşdırılması nəzərdə tutulur. "Mərkəzi-Şərqi Azəri" layihəsi çərçivəsində, təxminən, 140 metr dərinlikdə "Mərkəzi Azəri" və "Şərqi Azəri" platformaları arasında hasilat, qazma platforması və yaşayış bloku inşa ediləcək.
"BOS Shelf" avadanlıqların istehsalına, logistikasına və dəstəyinə cavabdeh olacaq.
Mühəndislik işləri "Subsea7" şirkətinin Fransadakı ofisindən aparılır və yatağın dənizdə istifadəyə verilməsinin 2021–2022-ci illərdə baş tutacağı gözlənilir.
Xatırladaq ki, “Mərkəzi-Şərqi Azəri” platforması üzrə yekun investisiya qərarı bu il aprelin 19-da qəbul olunub.
Femida.az
Oxunub: 339
Oxşar xəbərlər
- ARDNF bu il AÇG və “Şahdəniz” yataqları üzrə gəlirlərini açıqladı
- ARDNF AÇG və “Şahdəniz” yataqları üzrə 3,8 milyard manat gəlir əldə edib
- Neft Fondu bu yataqlardan 2,2 milyard dollar gəlir götürüb - 5 ayda
- ARDNF AÇG və "Şahdəniz"dən nə qədər gəlir götürüb? - AÇIQLANDI
- AÇG-də yeni platformanın inşası üçün 486 mln. dollarlıq müqavilə imzalanıb
- AÇG-dən 13 milyon ton neft hasil olunub
- Ötən ilə AÇG-dən 29 milyon ton neft hasil edilib
- AÇG və Şahdənizdən 8,3 milyard dollar gəlir əldə edilib - 10 ayda
- `Ermənistan hakimiyyəti tamahkar və acgözdür` - Erməni diaspor nümayəndəsi