ABŞ-ın Türkiyədəki səfirliyi ikinci dəfə üzr istədi
19:20 06 Oktyabr 2019
ABŞ-ın Türkiyədəki səfirliyi Milliyyətçi Hərəkat Partiyasının (MHP) sədri Dövlət Baxçalı ilə əlaqədar gün ərzində ikinci dəfə üzr istəyib.
Femida.az-ın məlumatına görə, üzr ABŞ-ın Türkiyədəki səfirliyinin “Twitter” səhifəsində yerləşdirilib.
Qeyd edək ki, D. Baxçalı xəstəxanaya yerləşdirildikdən sonra Fətullahçı Terror Təşkilatı (FETÖ) ilə əlaqədə ittiham edilən və Türkiyədən qaçmış jurnalist Ergün Babahan “Twitter” sosial şəbəkəsindəki səhifəsində yazıb ki, ''Türkiyə xalqları Baxçalısız bir siyasət dönəminə hazır olmalıdır”. Bu status ABŞ-ın Türkiyədəki səfirliyinin “Twitter” səhifəsi tərəfindən bəyənilib. Səfirlik bu gün açıqlama yayaraq “Twitter” səhifəsi tərəfindən bəyənilmənin yanlışlıq olduğunu bildirib və üzr istəyib. Ancaq Türkiyə Xarici İşlər Nazirliyi (XİN) Türkiyədə böyük narazılıq yaradan bu addımla əlaqədar bu gün ABŞ səfirliyinin müvəkkilini çağıraraq rəsmi izahat tələb edib.
Baş verən olayı bir xəta kimi dəyərləndirən ABŞ səfirliyinin bu gün yaydığı ikinci üzr mətnində qeyd edilib ki, E. Babahanla əlaqələri yoxdur, statusunu da dəstəkləmir və qəbul etmirlər.
Femida.az
Oxunub: 475
Oxşar xəbərlər
- ABŞ-ın İraqdakı konsulluğunun binası yaxınlığında partlayış olub
- ABŞ-ın döyüş təyyarəsi qəzaya uğrayıb, ölən var
- ABŞ-ın Yuta ştatı Azərbaycana dair bəyannamə qəbul edib
- ABŞ-ın dövlət katibi Azərbaycanı Müstəqillik Günü münasibətilə təbrik edib
- ABŞ-ın Suriyadakı bazası raket atəşinə tutulub
- ABŞ-ın birinci xanımı Ukraynaya gizli səfər edib
- ABŞ-ın Ukraynadakı səfirliyi fəaliyyətini bərpa edib
- ABŞ-ın lizinq şirkəti Rusiyada qalan 27 təyyarəni hesabdan siləcək
- ABŞ-ın İraqdakı bazasına raket hücumu olub
- ABŞ-ın Azərbaycandakı səfiri Ermənistana səfər edib