Macarıstan Türk Şurasına üzv olur
19:08 07 Oktyabr 2019
Macarıstan Türk Şurasının üzvü olacaq.
Bu barədə Budapeşt Sənaye Ticarət Palatasının İdarə heyətinin üzvü Yozef Kovaç Daşkənddə Türk Sahibkarlıq Sərmayə Forumunun iclası zamanı bildirib.
Qeyd edək ki, forumda Türk Şurasının üzv və müşahidəçi ölkələrindən 500-dən artıq sahibkar iştirak edib.
2018-ci ildən Türk Şurasında müşahidəçi statusuna malik Macarıstanın paytaxtında bu il sentyabrın 19-da Türk Şurasının Avropa nümayəndəliyi açılıb. Açılış mərasimində Türkiyə xarici işlər naziri Mövlud Çavuşoğlu yeni nümayəndəliyin türk dünyası ilə Avropa işgüzar dairələri arasında tərəfdaşlıq əlaqələrinin daha da genişlənməsinə təkan verəcəyini bildirmişdi.
Xatırladaq ki, 2009-cu ildə Naxçıvanda təsis toplantısı keçirilən Türk Şurası türkdilli ölkələr arasında iqtisadi əməkdaşlığın genişləndirilməsi məqsədilə yaradılıb. İlkin mərhələdə üzvlüyünə Azərbaycan, Türkiyə, Qazaxıstan, Qırğız Respublikasının daxil olduğu bu beynəlxalq təşkilatın yaradılmasına dair saziş ötən ay Özbəkistan tərəfindən də ratifikasiya olunub. Oktyabrın 14-15 tarixlərində Bakıda keçiriləcək Türk Şurasının 7-ci sammitində Özbəkistan tam üzvlük haqqı ilə iştirak edəcək.
Femida.az
Oxunub: 370
Oxşar xəbərlər
- Macarıstan Ukraynadakı vəziyyətə görə immiqrasiya siyasətini dəyişməyəcək
- Macarıstan Ukrayna ilə sərhədə qoşun göndərir
- Azərbaycan Macarıstanla Qarabağda birgə müəssisələr yaratmaq istəyir
- Azərbaycanın XİN Macarıstanı təbrik edib
- Prezident Macarıstanın dövlət başçısını təbrik edib
- Spiker Macarıstana gedib
- Macarıstan XİN rəsmisi: “Biz daima Azərbaycanın ərazi bütövlüyünü dəstəkləmişik”
- "Macarıstan tezliklə Azərbaycandan qaz almağa başlayacaq" - XİN başçısı
- Prezident: Macarıstan Azərbaycanın ən yaxın dostlarındandır
- İlham Əliyev Macarıstanın xarici işlər və ticarət nazirini videoformatda qəbul edib