Türkiyəli yazar “Qarabağ”ın oyunundakı təxribatdan yazdı

21:33     08 Oktyabr 2019

Türkiyəli yazar Cem Zeren "Düdelanj" - "Qarabağ" oyunu zamanı yaranmış dron qalmaqalı ilə bağlı "Aydınlık" qəzetində köşə yazıb.

Femida.az -ın məlumatına görə, Zeren 11 mart 1984-cü ildə Türkiyə-Lüksemburq milliləri arasında keçirilən yoldaşlıq görüşü zamanı canlı yayım otağının terrorçular tərəfindən hücuma məruz qalmasını xatırladaraq Lüksemburqun buna görə heç bir cəza almadığını qeyd edib. O, bənzər cəzasızlığın 3 oktyabr “Düdelanj”-“Qarabağ” matçında da olmasından təəssüfləndiyini bildirib:

“Ermənistanın Avropa Kubokundakı təmsilçiləri ilə imperialist bir yalanın təbliğatını apararkən Azərbaycanı Ermənistanın işğalı altında olan Qarabağın adını daşıyan komandanın təmsil etməsi çox düzgündür. Matçın 30-cu dəqiqəsində meydana dronla qondarma “Dağlıq Qarabağ Respublikası”nın bayrağı gətirildi. Futbolçular topla həmin bayrağı vurub salmağa çalışdılar. İsveçli hakim Con Beaton dron vasitəsilə ediləcək hər hansı hücumdan ehtiyatlandığı üçün oyunçuları paltardəyişmə otağına apardı. Azərbaycanlı azarkeşlər “Qarabağ Azərbaycanındır, Azərbaycanın olacaq” deyə hayqırırdılar. Yarım saat ərzində ara sakitləşdi. Lüksemburqlu nümayəndələr dron məsələsindən xəbərlərinin olmadığını dedilər. Matç qaldığı yerdən davam etdi. Azərbaycan 4:1 hesabla qazandı. Meydanda yenə qazandıq, masada nə olacağını gözləyək. 35 il sonra Lüksemburq yenə cəzalandırılmasa, sərhədlərimiz daxilindəki yerlərin adlarını daşıyan erməni klubları “Ələşkirt” və “Ararat”ın matçları zamanı dronla Türk bayrağının meydana daxil edilməsinin cəzası da olmaz, yəqin ki? 35 ildə baş verən iki bənzər hadisə göstərdi ki, milçək bir şey deyil, amma ürək bulandırır”.

Açar sözlər:

Oxunub: 563