Azərbaycanda bu il 4 hemofiliyalı xəstə ölüb
16:20 09 Oktyabr 2019
“Azərbaycanda 1656 nəfər hemofiliya xəstəsi kimi qeydə alınıb. Onlardan 1425 nəfərini kişi, 231 nəfərini isə qadınlar təşkil edir”.
Bunu Femida.az-a açıqlamasında Səhiyyə Nazirliyinin Elmi-Tədqiqat Hemofiliya Mərkəzinin rəhbəri Elmira Qədimova deyib. Onun sözlərinə görə, xəstələrdən 84 nəfəri 1-5 yaş, 336 nəfəri 1-15 yaş arasında olanlardır.
“Xəstələrin 80%-dən çoxu yaşı 15-dən yuxarı olanlardır. Bu il isə 41 hemofiliya xəstəsi qeydə alınıb. Bu il hemofiliyalı xəstələrdən 4 nəfəri ölüb, amma onlar digər xəstəliklərdən dünyasını dəyişiblər. Kifayət qədər dərman vasitələri ilə təmin ediləndə hemofiliyalı xəstələr normal həyat yaşaya bilirlər. Lakin xəstəlik əleyhinə preparatların yetərli qədər olmaması ilk növbədə hemofiliyadan əzab çəkən uşaq və gənclərin erkən əlilliyinə səbəb olur”.
E.Qədimova qeyd edib ki, hemofiliya xəstəliyinə əsasən kişilərdə rast gəlinir:
“Angiohemofiliya (Villebrand xəstəliyi) formasına isə qadınlarda da rast gəlinir. Bunların əlamətləri ağır hemofiliya kimi keçir. Qadınlar menstruasiya olur, onlar hər ay qanaxma ilə üzləşə bilərlər. Bu kimi hallarda xəstəlik özünü büruzə verə bilər".
Mərkəz rəhbəri əlavə edib ki, bu il 36 hemofiliyalı xəstə üzərində böyük cərrahiyyə əməliyyatı aparılıb.
Səhiyyə Nazirliyinin məlumatına əsasən, 2012-ci ildə 31, 2013-cü ildə 36, 2014-cü ildə 37, 2015-ci ildə 28, 2016-cı ildə 27, 2017-ci ildə 30 xəstə üzərində böyük cərrahiyyə əməliyyatı aparılıb.
Femida.az
Oxunub: 521
Oxşar xəbərlər
- Azərbaycanda hərbi xidmətə növbəti çağırış başlayıb
- Azərbaycanda qızlar niyə yoxa çıxır? - Görün hardan tapılırlar
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycanda bu şəxslərə yardımlar veriləcək - 5 il müddətinə - VİDEO
- Azərbaycanda son sutkada 710 nəfər koronavirusa yoluxub
- Azərbaycanda son sutkada 563 nəfər koronavirusa yoluxub, 1 nəfər ölüb
- Azərbaycanda avtomobillərin icbari sığortalanması qaydaları dəyişib
- Azərbaycanda meyit donorun anonimliyini qorumayanlar cərimələnəcək
- Azərbaycanda son sutkada 102 nəfər koronavirusa yoluxub, ölən olmayıb
- Azərbaycanda koronavirusa sutkalıq yoluxma sayı 400 nəfəri keçib