Özbəkistan prezidenti Bakıda ikitərəfli görüşlər keçirəcək
11:31 12 Oktyabr 2019
Özbəkistan Respublikasının prezidenti Şavkat Mirziyoyev oktyabrın 14-15-də Bakıda Türkdilli Dövlətlərin Əməkdaşlıq Şurasının (TDƏŞ) VII Zirvə Toplantısında iştirak edəcək.
Femida.az xəbər verir ki, bu barədə Özbəkistan prezidentinin Mətbuat xidməti açıqlama yayıb.
Sammitdə çoxplanlı əməkdaşlığın möhkəmləndirilməsinə və genişləndirilməsinə dair məsələlər müzakirə ediləcək. Həmçinin Özbəkistanın təşkilata tamhüquqlu üzv olması üçün birgə bəyanat qəbul olunacaq.
Sonda TDƏŞ-in VII Zirvə Toplantısının yekun Bəyannaməsinin qəbul edilməsi nəzərdə tutulub.
Özbəkistan prezidenti Bakıda TDƏŞ-ə üzv dövlətlərin nümayəndə heyətləri ilə bir sıra ikitərəfli görüşlər keçirəcək.
Qeyd edək ki, Türkdilli Dövlətlərin Əməkdaşlıq Şurası türk dünyası ölkələri arasında dialoq və əməkdaşlığı təşviq etmək üçün yaradılan beynəlxalq platformadır. Şura 2009-cu il oktyabrın 3-də Naxçıvanda keçirilən sammitdə yaradılıb. Onun fəaliyyət prinsipləri 16 sentyabr 2010-cu il tarixli İstanbul Bəyannaməsində əksini tapıb. İlk mərhələdə Türk Şurasına Türkiyə, Azərbaycan, Qazaxıstan və Qırğızıstan daxil olub. Bu il Özbəkistan da Türk Şurasına qoşulub.
Femida.az
Oxunub: 441
Oxşar xəbərlər
- Özbəkistan və Qazaxıstan arasında hərbi təlimlər başlayıb
- Özbəkistanda prezident seçkiləri başa çatıb
- Özbəkistan Əfqanıstanda inklüziv hökumətin qurulmasına tərəfdardır
- Özbəkistan vətəndaşı Bakıda qətl törədib
- Özbəkistan dövləti Qarabağda bir məktəbi təmənnasız bərpa edəcək
- Özbəkistanın Azərbaycandakı səfiri Diasporla İş üzrə Dövlət Komitəsində olub
- Özbəkistanın birinci xanımı Mehriban Əliyevanı təbrik edib
- Özbəkistanın dövlət başçısı Azərbaycan Prezidentini təbrik edib
- Özbəkistan avtomobil və hava yollarını bağlayır
- Özbəkistanın XİN başçısı Azərbaycana səfərə hazırlaşır