Daha 10 rayonda güzəştli şərtlərlə gübrə satılacaq
16:43 14 Oktyabr 2019
Sentyabr ayından etibarən “Aqrolizinq” ASC tərəfindən rayon mərkəzindən uzaq məsafədə yerləşən kəndlərdə mövsümi mineral gübrələrin, güzəştli şərtlərlə səyyar satışına başlanılıb.
Kənd Təsərrüfatı Naziriliyində Femida.az -a verilən məlumata görə mineral gübrələrin güzəştli şərtlərlə növbəti səyyar satışı Göyçay, Zərdab, Kürdəmir, Qusar, Xaçmaz, Şabran, Quba, Balakən, Qax və Şəkidə təşkil ediləcək.
Səyyar satışlar oktyabrın 15-də Göyçayın Qarabaqqal, Qusarın Yasaqoba, Şəkinin Bollu kəndində, oktyabrın 16-da Göyçayın Alpout, Qusarın Şirvanovka, Şəkinin Böyükdəhnə kəndində, oktyabrın 17-də Zərdabın Pərvanlı, Xaçmazın Dədəli, Balakənin İtitala kəndində, oktyabrın 18-də Zərdabın Qoruqbağı, Şabranın Uzun Boyad, Balakənin Kor tala kəndində, oktyabrın 19-da Kürdəmirin Köhünlü, Qubanın Hacı Hüseynli, Qaxın Zəyəm kəndində həyata keçiriləcək.
Həmçinin ətraf kəndlərin sakinləri tələb olunan sənədləri - torpaq aktı və ya çıxarış, icra nümayəndəsindən ərizə-məlumat formasını və şəxsiyyət vəsiqəsinin surətini
təqdim etməklə 70 faiz güzəştdən yararlanaraq mineral gübrə ala bilərlər.
Səyyar satış xidmətlərinin təşkil ediləcəyi yerlər barəsində məlumat almaq üçün 1652 Çağrı Mərkəzi və (+99451) 255-93-83, (+99451) 229-32-07 əlaqə nömrəsinə müraciət etmək lazımdır.
Oxunub: 443
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Ukrayna ordusunun daha bir azərbaycanlı hərbçisi həlak olub
- Azərbaycanda hibrid avtomobillərin idxal və satışı daha 1 il vergidən azad ediləcək
- Ukrayna Baş Qərargahı: "Rusiyanın daha 200 hərbçisi məhv edilib"
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Daha üç rayonun prokuroruna yeni müavinlər təyin edilib
- "Tərtər işi" ilə bağlı daha bir neçə nəfər həbs edilib - RƏSMİ
- Yol qəzalarında daha 3 nəfər ölüb
- Azərbaycanda daha 306 nəfər koronavirusa yoluxub, 4 nəfər vəfat edib
- Quba sakini arvadını və daha üç qohumunu bıçaqlayıb