54 minə yaxın şagirdin yerdəyişməsinə icazə verildi


20:01     14 Oktyabr 2019

Cari ildən etibarən şagirdlərin yerdəyişməsi www.sy.edu.az portalı vasitəsi ilə elektron formada həyata keçirilir.

Təhsil Nazirliyindən Femida.az -a verilən məlumata görə, 2019-cu il sentyabrın 15-dək şagirdlərin elektron yerdəyişməsi ilə bağlı ümumilikdə 54 min 830 müraciət daxil olub. Onlardan 53 min 955 şagirdin digər təhsil müəssisəsinə yerdəyişməsinə icazə verilib. 875 sorğuya isə dil uyğunsuzluğuna, daxili müsabiqə keçirən lisey və məktəb-liseylərin müsabiqə nəticələrinə əsasən imtina verilib.

Elektron yerdəyişmə prosesi ilə bağlı sorğuların qəbulu oktyabrın 21-dən etibarən davam etdiriləcək.

Şagird yerdəyişməsinin elektronlaşdırılması bu prosesdə məktəb və valideyn arasında məsafənin azaldılmasında, valideynin təhsil müəssisəsi ilə təmasının daha şəffaf şəkildə təşkilində mühüm rol oynayır.

Femida.az

Açar sözlər:

Oxunub: 183