"Polisə göstərdikləri xidmətə görə təşəkkür edirəm" — Hadi Rəcəbli
20:55 21 Oktyabr 2019
"Polislərin xidmətini xüsusi qeyd etmək istəyirəm. Onlara təşəkkür edirəm, minnətdaram ki, fəallıq göstərdilər”.
Bunu Milli Məclisin deputatı Hadi Rəcəbli Yeni Azərbaycan Partiyasının (YAP) İcra Katibliyində Baş nazirin müavini Əli Əhmədovun rəhbərliyi ilə Milli Şuranın 19 oktyabr qanunsuz aksiya keçirmək cəhdi ilə bağlı keçirilən toplantıda səsləndirib.
Deputat bildirib ki, bu mitinqlərin bir məqsədi var:
"Hadisələrin gedişi onu göstərdi ki, bu adamların heç bir sağlam fikirləri yoxdur. Onlar 6 iddia irəli sürdülər ki, biz bu iddaların tətbiqini Azərbaycan prezidentinin öz dilindən eşitmişik. Nəyin davası gedirdi? Lökbatan uzaqdır, orada mitinq keçirmək istəmirlər. Sonra da deyirlər ki, rayonlardan mitinqə gəlmək istəyənlərin qarşısını alıblar, onları avtobuslardan düşürüblər, geri qaytarıblar. Özləri özlərini ifşa edirlər. Rayonda mitinq etmirlər, amma rayonlardan mitinqə gələnlərin olduğunu deyirlər. Maraqlı paradoksdur”.
Hadi Rəcəbli bildirib ki, mitinqdə beş yüz nəfər iştirak edirdisə, mediadan min adam var idi:
"Yəni göstərildi ki, nəyi istəyirsiniz, çəkib göstərin. Əslində Milli Şuranın təşkili ilə mitinq keçirilmədi. Siyasi təşkilatçılıq yox idi. Məişət səviyyəsində narazılığı olan adamlar ordan-burdan gəlib danışırdılar. Polislərin xidmətini isə xüsusi qeyd etmək istəyirəm. Onları söyüb təhqir edirdilər. Məqsəd polisi cızığından çıxarmaq idi. Lakin polis göstərdi ki, onlar dövləti müdafiə edirlər, prezidentin yanındadılar. Belə süni mitinqlərlə bizi aldatmaq olmaz. Əli Kərimlinin tutulması zamanı ətrafdakı qışqırıqlar belə süni idi”.(Publika.az)
Oxunub: 622
Oxşar xəbərlər
- Polisə zor tətbiq edilməsi ilə bağlı cinayət işi açılıb
- Polisə müqavimət göstərən restoran sahibi həbs edildi - FOTO
- Polisə balta ilə hücum edənlərin məhkəməsi başlayır
- Polisə qarşı zor tətbiq edən şəxs həbs olundu
- Polisə tabe olmayan AXCP üzvü həbs edildi
- Polisə tabe olmayan yük maşınının sürücüsü həbs edilib
- Polisə saxta jurnalist vəsiqəsi təqdim edən məktəb direktoru saxlanılıb - VİDEO
- Polisə silahlı müqavimət göstərən şəxs məhv edildi
- Polisə məlumat verdi - Oğrular tutuldu
- Polisə yalan məlumat verən Bakı sakini saxlanılıb