Rusiya hərbçiləri Suriya-Türkiyə sərhədi istiqamətində irəliləyib


15:06     23 Oktyabr 2019 19_10_23_1571828833.jpg

Rusiya Hərbi Polisinin dəstələri Suriyanın şimal-şərqinə, Türkiyə Silahlı Qüvvələrinin hərbi əməliyyatları apardığı bölgə ilə sərhədə hərəkət edib.



Bu barədə Rusiya Müdafiə Nazirliyi (MN) məlumat yayıb.

"Rusiya və Türkiyə prezidentlərinin oktyabrın 22-də Soçidə əldə etdikləri razılığa əsasən, bu gün saat 12-də Rusiya Hərbi Polisinin karvanı Fərat çayını keçərək Suriya-Türkiyə sərhədi istiqamətində irəliləyib”, - deyə Rusiya MN-in məlumatında qeyd olunub.

Nazirlikdən o da bildirilib ki, Hərbi Polis dəstələri əhalinin təhlükəsizliyinin təmin olunmasına və asayişin qorunmasına yardım edəcəklər: “Onlar təyin olunmuş rayonlarda patrul xidməti aparmaqla, kürd özünü müdafiə dəstələrinin və onların silahlarının Suriya-Türkiyə sərhədindən 30 km dərinliyə çıxarılmasına kömək edəcəklər”.

Açar sözlər:

Oxunub: 386