Tramp Türkiyəyə qarşı sanksiyaları ləğv edib
20:41 23 Oktyabr 2019
ABŞ Suriyanın şimalında "Barış bulağı" əməliyyatına başlaması ilə əlaqədar Türkiyəyə qarşı bu il oktyabrın 14-də elan etdiyi sanksiyaları ləğv edib.
Femida.az -IN məlumatına görə, bu barədə ABŞ Prezidenti Donald Tramp bildirib.
D. Tramp bəyan edib ki, sanksiyaların ləğv olunması ilə bağlı maliyyə nazirinə göstəriş verib: "Maliyyə naziri Stiven Mnuçinə göstəriş verdim ki, Türkiyəyə qarşı oktyabrın 14-dən tətbiq edilən bütün sanksiyaları ləğv etsin".
Bununla belə, ABŞ lideri qeyd edib ki, Türkiyənin Suriyada atdığı addımlar qənaətbəxş olmayacağı təqdirdə, sanksiyalar bərpa oluna bilər.
D. Tramp digər ölkələri Suriya ilə sərhədlərinə nəzarəti gücləndirməkdə Türkiyəyə yardım göstərməyə də çağırıb.
Qeyd edək ki, Vaşinqton Suriyada həyata keçirilən “Barış bulağı” hərbi əməliyyatı ilə əlaqədar oktyabrın 14-də Türkiyənin Müdafiə Nazirliyinin, Enerji və Təbii Sərvətlər Nazirliyinin, eyni zamanda Müdafiə naziri Hulusi Akar, Enerji və Təbii Sərvətlər naziri Fatih Donmez və Daxili İşlər naziri Süleyman Soylunun adını sanksiya siyahısına daxil etmişdi.
Oxunub: 377
Oxşar xəbərlər
- Tramp Baydeni Əfqanıstanda iflasa görə üzr istəməyə çağırıb
- Tramp yeni partiya qurmağa hazırlaşır?
- Trampın sonuncu fərmanı: Keçmiş məmurlar əfv olundu
- Tramp vida çıxışı etdi
- Tramp Baydeni "feyk prezident" adlandırdı
- Trampın müşaviri istefaya getdi
- Tramp seçki nəticələrinə etiraz etmək üçün mitinqlər keçirməyi planlaşdırır
- Tramp səslərin sayılmasının dayandırılmasını tələb edib
- Tramp qalib gəldiyini elan etdi
- Tramp ABŞ qoşunlarını Somalidən çıxarmağa hazırlaşır