Avtobuslar qış rejiminə keçir
12:02 24 Oktyabr 2019
Oktyabr ayının 25-dən Dövlət Avtomobil Nəqliyyatı Xidməti (DANX) tərəfindən bütün daşıyıcı şirkətlərə qış rejiminə keçidlə bağlı tapşırıq verilib.
DANX-dan Femida.az-a verilən məlumata görə, avtobuslar qış rejiminə hazırlıq üçün qarajlarda xüsusi nəzarətdən keçəcək. Prosesə ümumi nəzarət Dövlət Avtomobil Nəqliyyatı Xidmətinin müvafiq əməkdaşlarının və daşıyıcı şirkət nümayəndələrinin monitorinq qrupunun iştirakı ilə təmin ediləcək.
Gecə reyslərinin bərpası ilə bağlı bu il qış rejiminə keçidə ötən illə müqayisədə daha erkən start verilib. Ümumilikdə nəqliyyat vasitələrinin qış mövsümünə hazırlığı qənaətbəxş hesab edilsə də, çatışmazlıqlar var. Monitorinqlər noyabr ayının ortalarına qədər davam edəcək.
"İlkin monitorinqlər zamanı bir neçə nəqliyyat vasitəsində problemlər aşkar olunub. Bu çatışmazlıqların noyabr ayına qədər aradan qaldırılması üçün hazırda bu istiqamətdə xüsusi tədbirlər həyata keçirilir. Soyuq aylarda sərnişindaşıma sahəsində ciddi fəsadların baş verməməsi üçün sürücülər də təlimatlandırılıb. Təlimatların aparılmasında əsas məqsəd sürücülərə çətin şəraitdə və soyuq havalarda yollar buz bağlayarkən daha diqqətli olmalarını aşılamaqdır".
Femida.az
Oxunub: 397
Oxşar xəbərlər
- Avtobuslarda gediş haqqı 70 qəpik olacaq? - AÇIQLAMA
- Avtobuslarda cibgirlik edənlər ələ keçdi - FOTO
- Avtobuslara maskasız girənlər cərimələndi
- Avtobusların fəaliyyəti dayandırıldı
- Avtobuslarda cibgirlik edən şəxs tutuldu
- Avtobusların sayı artırılır - Gücləndirilmiş iş rejimi elan edildi
- Avtobuslarda soyğunçuluq edən şəxs saxlanılıb
- Avtobusların toqquşması ilə bağlı RƏSMİ MƏLUMAT
- Avtobuslarda qadınlara qarşı oğurluq edən saxlanıldı
- Avtobuslar əvvəlki yoluna qayıtdı