Axtarışda olan Gürcüstan vətəndaşı Azərbaycanla sərhəddə tutulub
10:10 28 Oktyabr 2019
Azərbaycan Respublikasının Dövlət Sərhəd Xidməti (DSX) tərəfindən dövlət sərhədinin toxunulmazlığının təmin edilməsi və narkotik vasitələrin qanunsuz dövriyyəsinə qarşı mübarizə istiqamətində sərhəd mühafizə və əməliyyat-axtarış tədbirləri davam etdirilir.
DSX-dən Femida.az-a verilən məlumata görə, oktyabrın 17-də Qax rayonu Üzümlü kəndi yaxınlığında yerləşən sərhəd zastavasının xidməti ərazisində Azərbaycan Respublikasından Gürcüstan istiqamətində dövlət sərhədini pozmağa cəhd göstərərkən Gürcüstan vətəndaşı Qoqiçaişvili Davit Quramoviç saxlanılıb.
İlkin araşdırma zamanı sərhəd pozucusunun Azərbaycan Respublikasının Daxili İşlər Nazirliyi tərəfindən Cinayət Məcəlləsinin 177-ci (oğurluq) maddəsi ilə istintaq olunan cinayət işi üzrə şübhəli şəxs qismində axtarışda olması müəyyənləşdirilib.
Həmin tarixdə “Astara” dövlət sərhədindən buraxılış məntəqəsində İran İslam Respublikasından Azərbaycan Respublikasına gələrkən AR vətəndaşı 1989-cu il təvəllüdlü Kişizadə Qabil Mirəhməd oğlunun üzərinə sərhəd və gömrük baxış keçirilərkən 97 qram narkotik vasitə aşkar olunaraq götürülüb.
Hər 2 fakt üzrə əməliyyat-istintaq tədbirləri davam etdirilir.
Femida.az
Oxunub: 353
Oxşar xəbərlər
- Axtarışda olan 3 qardaş tutuldu
- Axtarışda olan 94 nəfər saxlanılıb
- Axtarışda olan 69 nəfər saxlanılıb
- Axtarışda olan 77 nəfər saxlanılıb
- Axtarışda olan şəxsdən “patı” və heroin götürülüb
- Axtarışda olan 48 nəfər saxlanılıb
- Axtarışda olan 42 nəfər saxlanılıb
- Axtarışda olan 2200 nəfər tutulub - Son 6 ayda
- Axtarışda olan şəxs tutuldu
- Axtarışda olan 35 nəfər saxlanılıb