Bakıda itkin düşmüş 2 qadın və 1 kişi tapılıb
11:01 01 Noyabr 2019
Bakıda itkin düşmüş 2 qadın və 1 kişi tapılıb.
Femida.az-ın Report-a istinadən verdiyi xəbərə görə, hər üç itkindüşmə faktı paytaxtın Nizami rayonu ərazisində qeydə alınıb.
Belə ki, rayonun Puşkin küçəsində yaşayan 1950-cı il təvəllüdlü H.Məmmədova oktyabrın 26-da mənzilindən çıxıb və bir daha geri qayıtmayıb.
Onun yaxınlarının hüquq-mühafizə orqanları əməkdaşlarına müraciətindən sonra Nizami Rayon Polis İdarəsinin 23-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində H.Məmmədova oktyabrın 31-də tapılaraq ailəsinə təhvil verilib.
Bundan başqa, İ.Sadıqova və L.Rzayev də Nizami rayonu ərazisində yaşadıqları ayrı-ayrı evlərdən çıxıb və bir daha geri qayıtmayıblar.
Bu barədə onların yaxınları hüquq-mühafizə orqanları əməkdaşlarına müraciət ediblər.
Nizami Rayon Polis İdarəsinin (RPİ) 24-cü Polis Bölməsi (PB) əməkdaşlarının keçirdikləri əməliyyat-axtarış tədbirləri nəticəsində hər iki şəxs oktyabrın 31-də tapılaraq ailəsinə təhvil veriliblər.
Hər üç faktla bağlı araşdırma aparılır.
Femida.az
Oxunub: 387
Oxşar xəbərlər
- Ağdamda 23 yaşlı gənc itkin düşüb
- Göygöldə itkin düşən məktəbli tapılıb
- Bakıda 16 yaşlı qız itkin düşüb
- Bakıda yeniyetmə qız itkin düşüb
- Bakıda gənc qız və oğlan itkin düşüb
- Qəbələdə 35 yaşlı qadın itkin düşüb - FOTO
- Bakıda 15 yaşlı qız itkin düşüb
- Ağdamda 35 yaşlı kişi itkin düşüb
- Bakıda 51 yaşlı qadın itkin düşüb
- Ağsuda 59 yaşlı qadın itkin düşüb