Hüseyn Abdullayevin şikayətinə baxılacaq
12:00 01 Noyabr 2019
Həbsdə olan sabiq deputat Hüseyn Abdullayev, onun anası Zeynəb Abdullayeva barələrindəki hökmdən apelyasiya şikayəti verib.
Femida.az-nın məlumatına görə, şikayət Bakı Hərbi Məhkəməsi vasitəsilə Bakı Apelyasiya Məhkəməsinə göndərilib.
Şikayətin yaxın günlərdə icraata veriləcəyi gözlənilir.
Qeyd edək ki, ayrı-ayrı vətəndaşların Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə daxil olmuş müraciətləri əsasında 14 fevral 2018-ci il tarixdə başlanmış cinayət işi üzrə H.Abdullayevin 2006-cı ildən 2018-ci ilədək olan müddət ərzində faktiki nəzarət etdiyi “Araz-İnşaat” ASC-də onun tapşırığına əsasən, müəssisənin idarə olunmasını həyata keçirən Babayev Namiq İsmixan oğlu və qeyriləri ilə qabaqcadan əlbir olan bir qrup şəxs halında Cəmiyyətə məxsus obyektləri müxtəlif vaxtlarda ayrı-ayrı şirkətlərə icarəyə verərək, ümumilikdə, 1 milyon 374 min manat məbləğində gəlirlərin Cəmiyyətin kommunal xidmət və sair xərclərinin ödənilməsinə sərf olunmasına dair digər səhmdarlara yalan məlumat verməklə 13 min 373 manat məbləğində dividentləri vahid qəsdlə ələ keçirib zərərçəkmiş şəxslərə xeyli miqdarda maddi ziyan vurmaqla dələduzluq edib. Təqsirləndirilən şəxslərdən bəziləri Dövlət Sərhəd Xidmətinin əməkdaşlarıdır. Bu səbəbdən cinayət işi Bakı Hərbi Məhkəməsinə göndərilib. İş üzrə zərərçəkmiş şəxs qismində 28 nəfər tanınır.
Bakı Hərbi Məhkəməsinin hökmü ilə Hüseyn Abdullayev 6 il, Namiq Babayev 4 il, Nazim Əliyev 3 il azadlıqdan məhrum ediliblər. Zeynəb Abdullayeva 4 min manat cərimə olunub, digər təqsirləndirilən şəxslərə isə şərti cəza verilib.
Femida.az
Oxunub: 439
Oxşar xəbərlər
- Hüseyn Abdullayev və anası Ali Məhkəməyə kassasiya şikayəti verib
- Hüseyn Abdullayev və anasının apelyasiya şikayəti təmin edilməyib
- Hüseyn Abdullayevin məhkəməsində prokuror çıxış üçün vaxt istəyib
- Hüseyn Abdullayevin anası məhkəmədən vaxt istəyib
- Hüseyn Abdullayevin məhkəməsi baş tutmadı
- Hüseyn Abdullayevin məhkəməsi davam edib
- Hüseyn Abdullayev məhkəmədən bəraət istədi
- Vəkilləri Hüseyn Abdullayevə bəraət istəyiblər
- Hüseyn Abdullayevin məhkəməsi yenə baş tutmayıb
- Müğənni Gülyaz Məmmədova Hüseyn Abdullayevin məhkəməsində ifadə verib