Kibertəhlükəsizliklə bağlı sorğuların sayı artıb
11:58 04 Noyabr 2019
Bu ilin oktyabr ayında Azərbaycanda kompüter təhlükəsizliyi ilə bağlı dövlət strukturları tərəfindən açılmış sorğuların sayı sentyabr ayı ilə müqayisədə 16% artaraq 530 ədəd təşkil edib.
Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə Qarşı Mübarizə Mərkəzindən Femida.az-a verilən məlumata görə, oktyabr ayı ərzində mərkəzə daxil olan sorğulardan 92,8%-nə baxılıb və təmin edilib.
Mərkəz tərəfindən informasiya təhlükəsizliyi üzrə audit keçirilərək, müvafiq dövlət qurumlarına 26 hesabat təqdim edilib.
Mərkəzdən verilən məlumata əsasən, cari ilin oktyabr ayında Azərbaycan internet məkanında dövlət qurumlarına aid 7 domen və 11 subdomen qeydiyyatdan keçib.
Ümumilikdə, cari ilin yanvar-oktyabr aylarının nəticələrinə görə, kompüter təhlükəsizliyi ilə bağlı müraciətlərin ümumi sayı 3496 təşkil edib. Qeyd olunan dövr ərzində ümumi sorğunun 93,2%-i baxılıb və təmin edilib. Bu müddət ərzində aparılan informasiya təhlükəsizliyinin yoxlanışı əsasında 215 hesabat hazırlanaraq müvafiq strukturlara göndərilib. Yanvar-oktyabr ayları ərzində Azərbaycanın internet seqmentində 42 domen və 84 subdomen qeydiyyata alınıb.
Femida.az
Oxunub: 405
Oxşar xəbərlər
- Gəncədə universitetdən komputer oğurlayan tələbələr tutuldu
- Nazir: 90 əlil ingilis dili və kompüter kurslarına cəlb olunub
- Gecə saatlarında kompüter qarşısında oturmaq bu xəstəlikləri yaradır
- Azərbaycan Ukrayna məktəblilərinə kompüter dəstləri bağışladı
- Aşıq Namiq ona qarşı dələduzluq edənləri bağışladı
- Orta məktəbdən 10 kompüter oğurladı
- Kompüter qarşısında diqqətli olun! - Gizli kameralar sizi çəkir!
- Kompüter mütəxəssisi özünü asdı
- Kompüter oğurladı - 6 il həbs cəzası aldı
- Azərbaycanda kompüter istehsalı artıb