Kiyevdə Nəsimi adına kompleks tikilir - FOTOLAR
13:20 05 Noyabr 2019
Ukraynanın paytaxtı Kiyev şəhərində Azərbaycan xalqının çoxəsrlik ənənələrə malik bədii və fəlsəfi fikrində dərin iz qoymuş mütəfəkkir şair İmadəddin Nəsimi adına çoxfunksiyalı binanın təntənəli təməlqoyma mərasimi keçirilib.
Femida.az xəbər verir ki, Azərbaycanın Ukraynadakı səfirliyinin təşəbbüsü və sifarişi ilə tikiləcək mədəni-tarixi kompleksdə Nəsimi adına mərkəz, muzey, konfrans zalları, həmçinin qonaq evi fəaliyyət göstərəcək.
Təməlqoyma mərasimindən əvvəl səfirliyin əməkdaşları kompleksin qarşısında yerləşən parkda ucaldılan Nəsiminin heykəlinin ətrafında abadlıq işləri aparıb, yeni ağaclar əkiblər. Sonra Azərbaycanın Ukraynadakı səfiri Azər Xudiyev təməl daşını qoyub.
Binanın 2020-ci ilin dekabrında istifadəyə veriləcəyini qeyd edən səfir Nəsimi irsinin öyrənilməsi və təbliği üçün belə bir kompleksin mövcud olmasının vacibliyini vurğulayıb. “Azərbaycan Prezidenti İlham Əliyevin Sərəncamı ilə 2019-cu ilin ölkəmizdə “Nəsimi ili” elan edilməsindən sonra səfirliyin təşəbbüsü ilə Kiyevin mərkəzi parklarının birində Nəsiminin heykəli ucaldılıb. Bu gün çoxfunksiyalı binanın təməlinin qoyulması “Nəsimi ili” çərçivəsində keçirilən tədbirlər planının tərkib hissəsidir”, - deyə diplomat bildirib. Səfir qeyd edib ki, Azərbaycan Prezidenti İlham Əliyevin və Birinci vitse-prezident Mehriban Əliyevanın rəhbərliyi ilə görkəmli azərbaycanlı mütəfəkkirlərin irsinin dünyada təbliği istiqamətində çox önəmli layihələr həyata keçirilir.
Qeyd edək ki, binanın tikintisi azərbaycanlı investorların sahib olduğu “Drujba Narodov SND” şirkəti tərəfindən həyata keçirilir.
Femida.az
Oxunub: 539
Oxşar xəbərlər
- Kiyevdə bazar ertəsinə qədər komendant saatı tətbiq ediləcək
- Kiyevdə Rusiyanın daha bir diversiya qrupu zərərsizləşdirilib
- Kiyevdə partlayışlar olub, Rusiya ordusu Xarkovu mühasirəyə almağa çalışır
- Kiyevdə teleqüllə vurulub, ölənlər və yaralananlar var
- Kiyevdə ərzaq mağazalarında uzun növbələr yaranıb, banklar bağlanıb
- Kiyevdə Ərdoğanla Zelenski arasında görüş başlayıb
- Kiyevdən Ankaraya dost yardımı: Ukrayna yanğınsöndürən təyyarələr göndərdi
- Kiyevdən Bakıya qayıdan şəxslərdə COVID-19 aşkarlandı
- Kiyevdə tanışını öldürən Azərbaycan vətəndaşı onu doğramaq istəyirmiş - Fotolar
- Kiyevdə polis kafedə güllələnib