Qadına qarşı quldurluq edən iki qardaşa 16 il cəza verildi
15:05 05 Noyabr 2019
Bakıda qadını bıçaqla hədələyərək quldurluq etməkdə təqsirləndirilən Nurlan Həsənzadə və Ruslan Həsənzadənin cinayət işi üzrə məhkəmə prosesi başa çatıb.
Femida.az-ın məlumatına görə, prosesdə çıxış edən prokuror təqsirləndirilən şəxslərin hər birinin 9 il azadlıqdan məhrum edilməsini istəyib.
Daha sonra məhkəmə hökmü elan olunub. Təqsirləndirilən şəxslərin hər biri 8 il azadlıqdan məhrum ediliblər.
İttihama görə, iki qardaş olan təqsirləndirilən şəxslər bu il aprelin 28-də Binəqədi rayonunda A.Kunanbayev küçəsində qadına qarşı zor tətbiq edərək qızıl boyunbağısını alıblar. Onlardan biri qadını bıçaqla hədələyib, digəri isə arxadan boyunbağını açaraq götürüb.
Təqsirləndirilən şəxslər ilkin ifadəsində bu əməli borclarının olduğu üçün etdiklərini söyləyiblər. Qardaşlar ələ keçirdikləri boyunbağını 1500 manata sataraq öz aralarında bölüblər. Başqa bir şəxsə borclu olduqları 350 manatı isə evdə saxlayıblar. Lakin pulu qaytarmağa imkan tapmadan polis onları yaxalayıb. Onlara qarşı Cinayət Məcəlləsinin 181.2.5-ci (quldurluq; silah və ya silah qismində istifadə edilən əşyalar tətbiq edilməklə törədildikdə) maddəsi ilə ittiham irəli sürülüb.
Femida.az
Oxunub: 525
Oxşar xəbərlər
- Qadına qarşı soyğunçuluq edən şəxs saxlanılıb
- Qadına hədə-qorxu gələrək pulunu alan şəxsə cinayət işi açıldı
- Qadına qarşı zorakılıq edən polis işdən çıxarıldı - RƏSMİ
- Qadına zor tətbiq edib pulqabısını aldı
- Qadına qarşı dələduzluq edən şəxs tutulub
- Qadına zor tətbiq edib qızıl boyunbağısını aldı
- Qadına işgəncə verən şəxsə daha bir cinayət işi açılıb
- Qadına qarşı oğurluq etdi
- Qadına bıçaqlayan şəxs saxlanılıb
- Qadına küçədə hücum etdi -VİDEO