Arvadına işgəncə verən şəxsə elektron qolbaq taxıldı
14:13 06 Noyabr 2019
Abşeronda arvadına işgəncə verməkdə ittiham olunan E.Quliyevin barəsində olan hökmdən verilən kassasiya şikayətinə baxılıb.
Ali Məhkəmənin hakimi Hafiz Nəsibovun sədrliyi ilə keçirilən prosesdə qərar elan olunub.
Qərara görə, onun kassasiya şikayəti təmin edilməyib.
İttiham aktına əsasən, E.Quliyev 2012-ci ildə arvadı N.Kərimova ilə rəsmi qaydada boşanıb. O, 2018-ci ilin sentyabrında keçmiş arvadı ilə barışıb və onunla Xırdalan şəhərində mənzillərdən birində yaşamağa başlayıb.
Birgə yaşadıqları müddətdə E.Quliyev mütəmadi olaraq qısqanclıq zəminində onunla mübahisə edib. Arvadını daim döyüb və ona zorakı hərəkətlər edib.
Ərinin əzab verməsinə dözməyən qadın hüquq-mühafizə orqanlarına müraciət edib. Daha sonra polis E.Quliyevi həbs edib.
İstintaq orqanı tərəfindən onun barəsində Cinayət Məcəlləsinin 133.1-ci (əzab vermə) maddəsi ilə ittiham elan edilib.
Abşeron Rayon Məhkəməsinin hökmü ilə E.Quliyev 1 il müddətinə azadlıqdan məhrum edilib.
Hökmdən narazı qalan məhkum apellyasiya şikayəti verib. Sumqayıt Apellyasiya Məhkəməsi apellyasiya şikayətini qismən təmin edib və Abşeron Rayon Məhkəməsinin hökmü dəyişdirilib.
Belə ki, E.Quliyevin cəzası 1 il 2 ay müddətinə azadlığın məhdudlaşdırılması (elektron qolbaq) cəzası ilə əvəz olunub. Məhkəmə zalından azadlığa buraxılan E.Quliyevin Xırdalan və Bakı şəhərlərindən kənara çıxmamaq barədə qərar qəbul edilib.
Femida.az
Oxunub: 493
Oxşar xəbərlər
- Arvadına 18 bıçaq zərbəsi vurdu, boğazını kəsdi - Verilən 9 il cəzadan narazı qaldı
- Arvadına 18 bıçaq zərbəsi vuran şəxs özünü təqsirli bilib
- Arvadına narkotik daşıdan şəxs tutuldu
- Arvadına sataşdığı üçün dostunu öldürən şəxsə HÖKM OXUNDU
- Arvadına sataşdığına görə iki qardaşı avtomobildə güllələdi — Qaradağda dəhşətli qətl (FOTOLAR)
- Arvadına hirslənib, xalasının evini yandırdı - VİDEO
- Arvadına tamaşa edən qonşusunu döyüb xəstəxanalıq etdi
- Arvadına 7 bıçaq vurdu